હૈદરાબાદ: દેશ અને દુનિયામાં એડવેન્ચર, વાઇલ્ડલાઇફ, ઇકો જેવા અનેક પ્રકારના પર્યટન છે. પરંતુ આજે અમે તમને એક એવા પર્યટન વિશે જણાવવા જઈ રહ્યા છીએ જેના વિશે સાંભળીને તમે ચોંકી જશો. મીડિયા રિપોર્ટ્સ અનુસાર, છેલ્લા કેટલાક સમયથી ભારતમાં પર્યટનને લઈને એવી ચર્ચા ચાલી રહી છે જેના પર લોકો ખુલીને વાત નથી કરી રહ્યા. આ ગર્ભાવસ્થા પ્રવાસન છે. મળતી માહિતી મુજબ, લદ્દાખમાં એક એવું ગામ છે, જેના વિશે એવો દાવો કરવામાં આવે છે કે ત્યાં વિદેશી મહિલાઓ ખાસ કરીને યુરોપિયન દેશોમાંથી ગર્ભવતી થવા આવે છે. તમને જાણીને થોડું અજીબ લાગતું હશે કે આ ગામની ખાસિયત શું છે કે યુરોપની છોકરીઓ અહીં પોતાને ગર્ભવતી કરાવવા માટે આવે છે. આનો જવાબ છે બ્રોક્પા જાતિના લોકો. જેમના વિશે એવું કહેવાય છે કે આ લોકો એલેક્ઝાન્ડર ધ ગ્રેટની સેનાના વંશજ છે. કદાચ આ જ કારણ છે કે કારગીલથી લગભગ 70 કિલોમીટર દૂર આવેલા આર્યન વેલી વિલેજમાં વિદેશની મહિલાઓ મોટાભાગે અહીં પ્રવાસ પર નહીં પરંતુ સ્થાનિક પુરુષો પાસેથી ગર્ભવતી કરાવવા માટે આવે છે.
પ્રેગ્નન્સી માટે પ્રવાસ: મીડિયા અહેવાલો અનુસાર, બિયામા, ગારકોન, ડાર્ચિક, દાહ અને હનુ ગામ લદ્દાખની રાજધાની લેહથી 163 કિમી દક્ષિણ-પશ્ચિમમાં સ્થિત છે. આ ગામોમાં બ્રોકપા સમુદાયના લોકો રહે છે. આ સમુદાયના લોકો દાવો કરે છે કે તેઓ વિશ્વના છેલ્લા બાકી રહેલા શુદ્ધ આર્યો છે. બ્રોક્પા આ વિવાદિત દાવાને પોતાના માથા પરનો તાજ માને છે અને ગર્વ પણ અનુભવે છે. માહિતી અનુસાર, જ્યારે એલેક્ઝાંડર ધ ગ્રેટ તેની હાર બાદ ભારત છોડીને જઈ રહ્યો હતો ત્યારે તેની સેનાનો કેટલોક ભાગ ભારતમાં જ રહ્યો હતો. કહેવાય છે કે, જ્યારથી એલેક્ઝાન્ડર ધી ગ્રેટ આ જગ્યા છોડીને ચાલ્યા ગયા ત્યારથી આજ સુધી તેમના વંશજો આ ગામમાં રહે છે. કહેવાય છે કે અગાઉ બ્રોક્પાને લઈને ખાસ ક્રેઝ નહોતો. ઈન્ટરનેટના પ્રસાર પછી લદ્દાખના ગામડાઓમાં વિદેશી મહિલાઓ આવવાની વાતો સાંભળવા લાગી. એવું કહેવાય છે કે યુરોપીયન મહિલાઓ 'શુદ્ધ આર્ય બીજ' માટે બ્રોકપાના ગામડાઓમાં આવે છે.