હરિદ્વારઃ ઉત્તરાખંડમાં ચારધામ યાત્રા બાદ હવે મનસા દેવી ટ્રસ્ટ હરિદ્વારના મનસા દેવી મંદિરમાં રીલ બનાવવા અને મોબાઈલના ઉપયોગ પર પ્રતિબંધ થવા જઈ રહ્યું છે. હરિદ્વાર મનસા દેવી ટ્રસ્ટના અધ્યક્ષ અને અખાડા પરિષદના અધ્યક્ષ શ્રી મહંત રવિન્દ્ર પુરીએ કહ્યું છે કે, ટૂંક સમયમાં મનસા દેવી મંદિર પરિસરમાં મોબાઈલ ફોનનો ઉપયોગ અને રીલ બનાવવાનું બંધ કરવામાં આવશે. આ માટેની તૈયારીઓ કરવામાં આવી રહી છે.
મોબાઈલ ફોન પર પ્રતિબંધ રહેશેઃ શ્રી મહંત રવીન્દ્ર પુરીએ જણાવ્યું અનુસાર, આજના સમયમાં યુવાનો હોય કે અન્ય કોઈ વ્યક્તિ હોય તેઓ સોશિયલ મીડિયાની રીલ બનાવતી વખતે ભગવાન પ્રત્યેની શ્રદ્ધા સાથે રમત રમે છે. મંદિર સંકુલની ગરિમા છે, જેનું ધ્યાન રાખવું જોઈએ. પરંતુ સોશિયલ મીડિયાના કારણે લોકો પવિત્ર સ્થળની ગરિમા પણ જોતા નથી. આ જ કારણે હવે મનસા દેવીમાં પણ મોબાઈલ અને રીલ બનાવવા પર પ્રતિબંધ રહેશે.
મનસા દેવીમાં રીલ બનાવશે નહિ:શ્રી મહંત રવીન્દ્ર પુરીએ કહ્યું કે, સોશિયલ મીડિયા પર તેમની તસવીર અપલોડ કરવા માટે, યુવાનો ન તો યોગ્ય રીતે મંદિરની મુલાકાત લે છે, અને ન તો શ્રદ્ધા સાથે મંદિરમાં આવે છે. આટલું જ નહીં, ઘણી વખત યુવાનો રીલ બનાવવાના ચક્કરમાં મનસા દેવીની પહાડીઓ પર પોતાનો જીવ જોખમમાં મુકી દે છે. એટલા માટે અમે જલ્દી જ મનસા દેવી મંદિરમાં મોબાઇ ફોન પાર પ્રતિબંધની શરૂઆત કરવા જઈ રહ્યા છીએ.
મોબાઈલના કારણે ભક્તિ ભુલાય છે: શ્રી મહંત રવિન્દ્ર પુરીએ કહ્યું કે, લોકોને સોશિયલ મીડિયા માટે રીલ બનાવવાનો ખૂબ શોખ છે. તમે જોયું જ હશે કે, લોકોએ મોલ, હોસ્પિટલ, સિનેમા હોલ કે મંદિર પરિસર પણ છોડ્યું નથી. પહેલા લોકો ભગવાનના દર્શન કરવા જતા હતા. પરંતુ હવે લોકો રીલ્સ બનાવવા જાય છે. જેના કારણે મંદિરમાં ઘણી ભીડ જોવા મળે છે. પરિણામે પર્યાવરણ બગડે છે. એટલા માટે મનસા દેવી ટ્રસ્ટ મંદિર અને તેની આસપાસ રીલ બનાવવા પર સંપૂર્ણ પ્રતિબંધ લગાવવા જઈ રહ્યું છે.
મંદિરમાં જાઓ તો માત્ર દર્શન જ કરો: મનસા દેવી ટ્રસ્ટના અધ્યક્ષ શ્રી મહંત રવિન્દ્ર પુરીએ કહ્યું કે, સોશિયલ મીડિયાના આ યુગમાં લોકો જ્યાં પણ જાય છે, તે સૌથી પહેલા તે જગ્યાની તસવીરો લે છે. અને પછી બીજું કઈ કામ કરે છે. આ કારણે ઘણી વખત ચોક્કસ સ્થળોએ મોટી ભીડ એકઠી થાય છે. ઉપરાંત દુર્ઘટના પણ સર્જાય છે. આને ધ્યાનમાં રાખીને તેઓ મંદિર પરિસરમાં ફોનના ઉપયોગ પર પ્રતિબંધ મૂકવા જઈ રહ્યા છે. એટલે કે જો તમે મંદિરમાં જાઓ તો માત્ર દર્શન જ કરો અને ભગવાનમાં લિન થાઓ. તમે આ સમયગાળા દરમિયાન ફોનનો ઉપયોગ કરી શકતા નથી.
- આજે જાહેર થશે રાજસ્થાન બોર્ડ ધોરણ 12 પરિણામ, આ રીતે ચેક કરો... - RBSE 12th Result
- આગ્રામાં ITના દરોડા: 42 કલાકમાં જૂતાના ત્રણ વેપારીઓના 14 સ્થળો પર અત્યાર સુધીમાં 100 કરોડ રૂપિયા મળી આવ્યા - IT raids in Agra
