જીંદ: હરિયાણાના જીંદમાં હિસાર-ચંદીગઢ હાઈવે પર બિધરાના ગામ પાસે સોમવાર-મંગળવારની મોડી રાત્રે લગભગ 1 વાગ્યે એક ભયાનક માર્ગ અકસ્માત થયો હતો. અકસ્માતમાં 8 લોકોના મોતના સમાચાર છે. જ્યારે 8 લોકો ઘાયલ હોવાનું કહેવાય છે. ઘાયલોની સારવાર ચાલુ છે. જણાવવામાં આવી રહ્યું છે કે ટ્રકે ટાટા મેજિકને ટક્કર મારી હતી જે આગળ વધી રહી હતી. જે બાદ મેજિક રસ્તાના કિનારે પલટી ગયો. ટાટા મેજિકમાં મુસાફરી કરી રહેલા 8 શ્રદ્ધાળુઓના અકસ્માતમાં મોત થયા છે.
મરણચીસોથી ગુંજી ઉઠ્યો હાઈવે: પ્રાપ્ત માહિતી અનુસાર, પોલીસે પ્રારંભિક તપાસમાં જણાવ્યું કે કુરુક્ષેત્રના મરચેડી ગામના લગભગ 15 લોકો સોમવારે સાંજે રાજસ્થાનના ગોગામેડી ધામની મુલાકાત લેવા માટે ટાટા મેજિકમાં મુસાફરી કરી રહ્યા હતા. રાત્રિના 12.30 વાગ્યાના સુમારે તેઓ બિધરણા ગામ નજીક પહોંચ્યા ત્યારે પાછળથી એક પુરપાટ ઝડપે આવતી ટ્રકે ટક્કર મારી હતી, આ અકસ્માતમાં મેજિક અસંતુલિત બનીને રસ્તાની બાજુના ખાડામાં પલટી ગયો હતો અને લોકો એક-બીજા નીચે દટાઈ ગયા. નજીકના વાહનોએ લોકોને બહાર કાઢવાનો પ્રયાસ કર્યો હતો. પરંતુ રસ્તા પર અંધારપટના કારણે લોકોના પ્રયાસો નિષ્ફળ ગયા હતા. ત્યાર બાદ પોલીસને અકસ્માતની જાણ કરવામાં આવી હતી.