નવી દિલ્હી: આ વર્ષે યોજાનારી લોકસભા ચૂંટણીને ધ્યાનમાં રાખીને ભાજપે શનિવારે 23 રાજ્યો અને કેન્દ્રશાસિત પ્રદેશો માટે ચૂંટણી પ્રભારીઓ અને સહ-પ્રભારીઓની નિમણૂક કરી છે. પાર્ટીના એક નિવેદન અનુસાર, ભાજપના રાષ્ટ્રીય મહાસચિવ વિનોદ તાવડેને બિહારના ચૂંટણી પ્રભારી બનાવવામાં આવ્યા છે, જ્યારે ભાજપના રાજ્યસભાના સભ્ય અને ઝારખંડ એકમના ભૂતપૂર્વ વડા દીપક પ્રકાશ સહ-પ્રભારી હશે. તાવડે બિહારમાં ભાજપની રાજકીય બાબતોના પ્રભારી છે.
ભાજપે ઉપાધ્યક્ષ બૈજયંત જય પાંડાને ઉત્તર પ્રદેશના ચૂંટણી પ્રભારી તરીકે અને રાષ્ટ્રીય મહાસચિવ દુષ્યંત કુમાર ગૌતમને ઉત્તરાખંડના ચૂંટણી પ્રભારી તરીકે નિયુક્ત કર્યા છે. નિવેદનમાં કહેવામાં આવ્યું છે કે ભાજપના રાષ્ટ્રીય ઉપાધ્યક્ષ અને રાજ્યસભાના સભ્ય લક્ષ્મીકાંત બાજપાઈ ઝારખંડના ચૂંટણી પ્રભારી હશે. તેમાં કહેવામાં આવ્યું છે કે ભાજપ અધ્યક્ષ જેપી નડ્ડાએ આગામી લોકસભા ચૂંટણીને ધ્યાનમાં રાખીને આ નિમણૂંકો કરી છે.
ભાજપના રાજ્યસભાના સભ્ય અને ત્રિપુરાના પૂર્વ મુખ્યમંત્રી બિપ્લબ કુમાર દેબને હરિયાણાના ચૂંટણી પ્રભારી બનાવવામાં આવ્યા છે. ભાજપના નેતા સુરેન્દ્ર નાગર રાજ્યની ચૂંટણી માટે સહ-પ્રભારી રહેશે.
બિહારના પૂર્વ મંત્રી અને પશ્ચિમ બંગાળમાં ભાજપના પ્રભારી મંગલ પાંડેને રાજ્યના ચૂંટણી પ્રભારી તરીકે નિયુક્ત કરવામાં આવ્યા છે. ભાજપના નેતા અમિત માલવિયા અને આશા લાકરા સહ-પ્રભારી હશે. નડ્ડાએ ઉત્તર પ્રદેશના એમએલસી મહેન્દ્ર સિંહને મધ્ય પ્રદેશ માટે ભાજપના ચૂંટણી પ્રભારી તરીકે નિયુક્ત કર્યા છે. તેઓ રાજ્યકક્ષાના મંત્રી રહી ચૂક્યા છે. સતીશ ઉપાધ્યાય રાજ્યના સહ-પ્રભારી રહેશે.
ગુજરાતના ભૂતપૂર્વ મુખ્ય પ્રધાન અને પંજાબના ભાજપના પ્રભારી વિજય રૂપાણીને રાજ્યના ચૂંટણી પ્રભારી તરીકે નિયુક્ત કરવામાં આવ્યા છે, જ્યારે ભાજપના રાષ્ટ્રીય સચિવ નરિન્દર સિંહને રાજ્યમાં ચૂંટણી માટે સહ-પ્રભારી નિયુક્ત કરવામાં આવ્યા છે. ભાજપે ઉત્તર પ્રદેશના પૂર્વ મંત્રી શ્રીકાંત શર્માને હિમાચલ પ્રદેશના ચૂંટણી પ્રભારી તરીકે નિયુક્ત કર્યા છે. સંજય ટંડન સહ-પ્રભારી રહેશે.
- India-France Partnership :ભારત અને ફ્રાન્સ સંરક્ષણ ઔદ્યોગિક ક્ષેત્રોમાં એકીકરણને વધુ ગાઢ બનાવવા માટે થયાં સંમત
- Bihar Political Devlopment : બિહાર રાજકારણમાં શબ્દયુદ્ધ તેજ, નીતિશ સહિતના નેતાઓની બયાનબાજીમાંથી લગાવો તાગ
