ભ્રષ્ટાચારની જનની ગણાતી કોંગ્રેસને ટિકિટ લેનારાઓ મળી રહ્યા નથી, રાજસ્થાન સીએમ ભજનલાલ શર્માનો પ્રહાર - Lok Sabha Elections 2024

ભ્રષ્ટાચારની જનની ગણાતી કોંગ્રેસને ટિકિટ લેનારાઓ મળી રહ્યા નથી. એવું રાજસ્થાનના મુખ્યપ્રધાન ભજનલાલ શર્માનું કહેવું છે. શનિવારે જોધપુરમાં શેખાવતની નોમિનેશન મીટિંગને સંબોધિત કરતી વખતે સીએમ ભજનલાલે કોંગ્રેસ પર આકરા પ્રહારો કર્યા હતા.

જોધપુર : રાજસ્થાનના મુખ્યપ્રધાન ભજનલાલ શર્મા શનિવારે જોધપુરમાં કોંગ્રેસ પર ખૂબ જ આક્રમક દેખાયા હતાં. કેન્દ્રીય મંત્રી ગજેન્દ્રસિંહ શેખાવતના નામાંકન સમયે હાજર મેદનીનેે સંબોધતા કહ્યું કે કોંગ્રેસ ભ્રષ્ટાચારની જનની છે. આ જ કારણ છે કે આજે સ્થિતિ એવી થઈ ગઈ છે કે કોંગ્રેસની ટિકિટ લેનારા લોકો મળી રહ્યા નથી. જેમને ટિકિટ આપવામાં આવી રહી છે તેઓ ના પાડી રહ્યા છે. કેટલાક લોકો કહે છે કે તમે અમને કેમ હારવા માટે ટિકીટ આપો છો.

કોંગ્રેસનેઉમેદવાર નથી મળ્યા : જોધપુરના પોલો ગ્રાઉન્ડમાં આયોજિત સભામાં ભજનલાલ શર્માએ કહ્યું કે જયપુર અને રાજસમંદ તેનું ઉદાહરણ છે. તેમણે કોંગ્રેસના પ્રદેશ અધ્યક્ષ ગોવિંદસિંહ દોતાસરાને આડે હાથ લેતા કહ્યું કે સીકરમાં પણ તેમને ઉમેદવાર નથી મળ્યા. જ્યારે તેમનું પોતાનું નામ આવ્યું તો તેમણે ના પાડી દીધી. શર્માએ કહ્યું કે 2014 પહેલા દેશની સ્થિતિ શું હતી તે આપણે જાણીએ છીએ, પરંતુ તે સમયના 10થી 15 વર્ષ સુધીના યુવાનોને ખબર નથી. આજે તે મતદાર બની ગયો છે. તે સમયે ભ્રષ્ટાચાર કેટલો આત્યંતિક હતો તે જાણવું તેના માટે જરૂરી છે.કોંગ્રેસ માત્ર તુષ્ટિકરણ કરતી હતી. ગરીબીના નામે વોટ લીધા, પણ ક્યારેય કોઈ કામ ન કર્યું.

નેતાઓ હાજર રહ્યાં :આ બેઠકમાં મંત્રીઓ જોગારામ પટેલ, ગજેન્દ્રસિંહ ખિંવસર, કન્હૈયાલાલ ચૌધરી, જોરારામ કુમાવત, કેકે વિશ્નોઈ, ધારાસભ્યો હમીર સિંહ ભાયલ, પ્રતાપપુરી, પબ્બારામ વિશ્નોઈ, બાબુસિંહ રાઠોડ, અતુલ ભણસાલી, દેવેન્દ્ર જોશી અને છોટુ સિંહ ઉપરાંત અન્ય લોકો હાજર હતા.

ચૌધરી ચરણ સિંહને પણ અપાયો શ્રેયઃ ભજનલાલ શર્માએ ચૂંટણી સભામાં દેશના મોટા જાટ નેતા ચૌધરી ચરણસિંહને યાદ કરતાં કહ્યું કે, તેમણે ખેડૂતોની ચિંતા કરી હતી, પરંતુ કોંગ્રેસે ક્યારેય કરી નથી. પૂર્વ વડાપ્રધાન અટલ બિહારી વાજપેયીએ ખેડૂતોને ક્રેડિટ કાર્ડ આપ્યા હતા. પીએમ મોદીએ કિસાન સન્માન નિધિ આપી. એમએસપીના દરમાં વધારો થયો છે. અમે અમારી સરકાર બન્યા બાદ MCP પણ વધાર્યો છે. રાજ્યના ખેડૂતો માટે કિસાન સન્માન નિધિમાં રકમમાં વધારો કરવામાં આવ્યો છે.

સભામાં ઉમટી ભીડ, કાર્યકરોમાં ઉત્સાહ જોવા મળ્યો: કેન્દ્રીય મંત્રી ગજેન્દ્રસિંહ શેખાવત ઉપરાંત, નામાંકન સભાને લોકસભા મતવિસ્તારના ભાજપના ધારાસભ્યો અને સંગઠનના અધિકારીઓએ સંબોધિત કરી હતી. શેખાવતે કહ્યું કે પીએમ નરેન્દ્ર મોદીના વિકસિત ભારતના સપનાને સાકાર કરવા માટે આપણે ત્રીજી વખત તેમની સરકાર બનાવવી પડશે. શેખાવતે કાર્યકરોને અત્યાર સુધી જે કંઈ કર્યું છે તેના કરતાં વધુ મહેનત કરવા આહ્વાન કર્યું હતું. પોકરણ, ફલોદી, લોહાવત, શેરગઢ, લુની અને જોધપુર શહેરના કાર્યકરો બેઠકમાં પહોંચ્યા હતા.