રાજસ્થાન :કરૌલી જિલ્લાના હિંડૌન નઈ મંડી પોલીસ સ્ટેશન વિસ્તારની રહેવાસી 10 વર્ષની મૂકબધિર બાળકીનું સોમવારે જયપુરની સવાઈ માનસિંહ હોસ્પિટલમાં સારવાર દરમિયાન મૃત્યુ થયું હતું. મંગળવારે તેના અંતિમ સંસ્કાર કરવામાં આવ્યા હતા. પરંતુ મૃત્યુ બાદ શરૂ થયેલા રાજકીય ડ્રામા વચ્ચે ભરતપુર રેન્જ IG રાહુલ પ્રકાશ બુધવારે હિંડૌન પહોંચ્યા હતા.
રેન્જ IG તપાસમાં લાગ્યા :પોલીસ અધિકારીઓ પાસેથી ઘટનાની માહિતી લીધા બાદ આઈજીએ મૃતક યુવતીના ઘર અને ઘટનાસ્થળનું નિરીક્ષણ કર્યું હતું. આ સાથે નિષ્પક્ષ તપાસ માટે SITની રચના કરવાની સૂચના આપવામાં આવી હતી. આ દરમિયાન રેન્જ IG રાહુલ પ્રકાશે મીડિયા સાથે વાત કરતા કહ્યું કે, પોલીસે તત્પરતા દાખવીને ઘટનાના દિવસે જ બાળકીને આગ લાગવાની ઘટનાની તપાસ કરી હતી.
મૂકબધિર બાળકીનું મોત :પ્રાથમિક તપાસમાં બાળકી વીજ કરંટ લાગવાથી દાઝી ગઈ હોવાની માહિતી બહાર આવી છે. બાળકીને પ્રથમ હિંડૌન સરકારી હોસ્પિટલ અને બાદમાં જયપુરની સવાઈ માનસિંહ હોસ્પિટલમાં દાખલ કરવામાં આવી હતી, જ્યાં સારવાર દરમિયાન બાળકીનું મોત થયું હતું. પોલીસે મૂકબધિર નિષ્ણાતોની મદદથી બાળકીનું નિવેદન પણ નોંધ્યું હતું.
પ્રાથમિક તપાસ : પ્રાથમિક તપાસમાં બાળકી સાથે કોઈ અયોગ્ય કે ગંદું કૃત્ય થયું હોવાનું બહાર આવ્યું નથી. છતાં નિષ્પક્ષ તપાસ માટે SITની રચના કરવા સૂચના આપવામાં આવી છે. ઘટના ટૂંક સમયમાં બહાર આવશે. FSL ની ટીમ અને પોસ્ટમોર્ટમ રિપોર્ટ બાદ પણ આ બાબતનો ખુલાસો થશે.
આઈજીએ આપી બાંહેધરી :બીજી તરફ મૃતક યુવતીની કોલોનીના લોકોએ IG રાહુલ પ્રકાશને આવેદનપત્ર આપી નિષ્પક્ષ તપાસની માંગ કરી છે. આઈજી રાહુલ પ્રકાશે લોકોને કહ્યું કે, દોષિતોને બક્ષવામાં આવશે નહીં અને કોઈ નિર્દોષ વ્યક્તિને ફસાવવા દેવામાં આવશે નહીં.
- રાજસ્થાનમાં પત્નીએ પતિ સામે કર્યો ટ્રિપલ તલાકનો કેસ - Triple Talaq In Rajasthan
- બિહારમાં સર્જાયો મોટો અકસ્માત, મુંડન સંસ્કારમાં ભાગ લેવા ગયેલા 5 લોકોના ડૂબી જવાથી મોત
