જમ્મુ:જમ્મુ અને કાશ્મીરના કિશ્તવાડ જિલ્લાના કેશવાન જંગલમાં રવિવારે આતંકવાદીઓ સાથેની અથડામણમાં સેનાના એક જવાન શહીદ થયા છે, જ્યારે અન્ય ત્રણ સૈનિકો ઈજાગ્રસ્ત થયાના સમાચાર છે. આર્મીના વ્હાઇટ નાઈટ કોર્પ્સે ટ્વિટર પર એક પોસ્ટમાં જણાવ્યું હતું કે કિશ્તવાડ એન્કાઉન્ટરમાં નાયબ સુબેદાર રાકેશ કુમારે દેશસેવા કાજે પોતાના પ્રાણનું બલિદાન આપ્યું હતું.
પોસ્ટમાં કહેવામાં આવ્યું છે કે, GOC વ્હાઇટ નાઈટ કોર્પ્સ અને તમામ રેન્ક 2 પેરા (SF) નાયબ સુબેદાર રાકેશ કુમારના સર્વોચ્ચ બલિદાનને સલામ કરે છે. સુબેદાર રાકેશ 9 નવેમ્બરે કિશ્તવાડના ભારત રિજના સામાન્ય વિસ્તારમાં શરૂ કરાયેલ સંયુક્ત CI ઓપરેશનનો ભાગ હતા.
આ અંગે અધિકારીઓએ જણાવ્યું હતું કે, અથડામણ લગભગ 11 વાગ્યે શરૂ થઈ જ્યારે સેના અને પોલીસની સંયુક્ત ટીમે કેશવાન જંગલમાં આતંકવાદીઓને ઘેરી લીધા. તેમણે કહ્યું કે ગામ સંરક્ષણ રક્ષક (વીડીજી) નઝીર અહેમદ અને કુલદીપ કુમારના ગોળીથી છિન્ન મૃતદેહ આ સ્થળથી થોડા કિલોમીટર દૂર મળી આવ્યા હતા.
આતંકવાદીઓએ VDGનું અપહરણ કરીને તેની હત્યા કર્યા બાદ ગુરુવારે સાંજે કુંતવાડા અને કેશવાનના જંગલોમાં મોટાપાયે સર્ચ ઓપરેશન શરૂ કરવામાં આવ્યું હતું.
અગાઉ, વ્હાઇટ નાઈટ કોર્પ્સે ટ્વિટર પર એક પોસ્ટમાં જણાવ્યું હતું કે, "આતંકવાદીઓની હાજરી વિશે ચોક્કસ ગુપ્ત માહિતીના આધારે, કિશ્તવાડના ભારત રિજ વિસ્તારમાં સુરક્ષા દળો દ્વારા સંયુક્ત ઓપરેશન શરૂ કરવામાં આવ્યું હતું. જ્યારે સુરક્ષા દળો સાથે સામનો થવા પર આતંકવાદીઓએ ગોળીબાર શરૂ કર્યો હતો. અધિકારીઓએ જણાવ્યું હતું કે, પ્રારંભિક ફાયરિંગમાં સેનાના ચાર જવાનો ઘાયલ થયા હતા અને તેમને હોસ્પિટલમાં લઈ જવામાં આવ્યા હતા, જેમાંથી ત્રણની સ્થિતિ 'નાજુક' હોવાનું જણાવવામાં આવ્યું હતું.
7મી નવેમ્બરે બે વીડીજીની થઈ હતી હત્યા
અગાઉ, પોલીસ પ્રવક્તાએ પણ પુષ્ટિ કરી હતી કે બે VDGની હત્યા માટે જવાબદાર આતંકવાદીઓ સાથે એન્કાઉન્ટર ચાલી રહ્યું છે. અધિકારીએ કહ્યું કે આ વિસ્તારમાં ત્રણ કે ચાર આતંકીઓ ફસાયા હોવાનું માનવામાં આવે છે. અધિકારીઓએ જણાવ્યું કે છેલ્લા અહેવાલો મળ્યા ત્યાં સુધી ફાયરિંગ ચાલી હતી.
- જમ્મુ અને કાશ્મીર: બારામુલ્લાના સોપોરમાં એન્કાઉન્ટર, સુરક્ષા દળો દ્વારા આતંકવાદી ઠાર
- મણિપુર: તાજેતરની હિંસામાં 10 ઘરોને આગ, મહિલાનું મોત
