છત્તીસગઢમા પત્રકારની હત્યાનો ભેદ ઉકેલાયો, પત્નીએ પ્રેમી સાથે મળીને કરી હતી પતિની હત્યા - chhattisgarh journalist murder case

છેલ્લા એક વર્ષથી સફીનાએ ઝારખંડના ગઢવા નિવાસી આરઝૂ ખાન સાથે સોશિયલ મીડિયા દ્વારા વાત કરવાનું શરૂ કર્યું હતું. આરઝૂ ખાન અને સફીનાનો પ્રેમ એટલો વધી ગયો કે તે પોતાની ત્રણ વર્ષની પુત્રીને છોડીને આરઝૂ ખાન સાથે ભાગી ગઈ હતી. બંને એ સાથે મળી રઇસની હત્યા કરી હતી. chhattisgarh journalist murder case

મનેન્દ્રગઢ ચિરમીરી ભરતપુરઃછત્તીસગઢ, મનેન્દ્રગઢના પત્રકાર રઈસ અહેમદની હત્યાનો ખુલાસો થયો છે. પોલીસે હત્યા કેસમાં રઈસની પત્નીની ધરપકડ કરી છે. જેણે પોતાના પ્રેમી સાથે મળીને પોતાના જ પતિની હત્યા કરી છે. રઈસની લાશ તેના ઘરથી થોડે દૂર મળી આવી હતી. પોલીસે આ કેસમાં કડીઓ જોડતા સમગ્ર મામલો સામે આવ્યો હતો. આ કેસમાં ગેરકાયદેસર સંબંધ હત્યાનું કારણ બન્યો હતો. મૃતક રઈસ અહેમદની પત્ની સફીના ખાતૂનનું ઝારખંડમાં રહેતા એક છોકરા સાથે અફેર હતું.

પત્ની ત્રણ વર્ષની પુત્રીને છોડીને ભાગી ગઈ હતી: રઈસ અહેમદના લગ્ન પાંચ વર્ષ પહેલા મૌહરપરામાં રહેતા મોહમ્મદ યાકુબની પુત્રી સફીના ખાતુન સાથે થયા હતા. બંનેને ત્રણ વર્ષની પુત્રી પણ છે. છેલ્લા એક વર્ષથી સફીનાએ ઝારખંડના ગઢવા નિવાસી આરઝૂ ખાન સાથે સોશિયલ મીડિયા દ્વારા વાત કરવાનું શરૂ કર્યું હતું. આરઝૂ ખાન અને સફીનાનો પ્રેમ એટલો વધી ગયો કે તે પોતાની ત્રણ વર્ષની પુત્રીને છોડીને આરઝૂ ખાન સાથે ભાગી ગઈ હતી. પરંતુ રઈસે કોઈક રીતે તેની પત્નીને શોધી કાઢી હતી અને તેનું લગ્નજીવન બચાવવાના પણ ઘણા પ્રયાસો કર્યા હતા.

કેવી રીતે થઈ હત્યા:આ કેસની મુખ્ય કડી રઈસ અહેમદની પત્ની સફીના છે. પોલીસને પહેલા તેના પર શંકા થઈ હતી. મોબાઈલ ડિટેલ્સ કાઢ્યા બાદ તેમની શંકાને સમર્થન મળ્યું હતું, પરંતુ પહેલા તો સફિનાએ કોઈપણ પ્રકારની માહિતી આપવાનો ઈન્કાર કર્યો હતો, પરંતુ પોલીસની કડકાઈને પરિણામે તેને સંપૂર્ણ બાબત જણાવી. સફીના ખાતૂને જણાવ્યું કે, 15 મે, 2024ના રોજ આરઝૂ સાથે વાત કર્યા બાદ તેણે રઈસને મારવાની યોજના બનાવી. 15 મે, 2024ની રાત્રે લગભગ 2 વાગે આરઝૂ ખાન તેની માસીના પુત્ર ખુશી ખાન સાથે બાઇક પર મૌહરપરા આવ્યો. ત્યારબાદ તેણે સફીનાને કોલ કર્યો. સફીનાએ સમય કાઢીને ઘરનો દરવાજો ખોલ્યો. આરઝૂ અને તેના ભાઈ ખુશીએ સૌપ્રથમ સૂતેલા રઈસ પર તીક્ષ્ણ હથિયાર વડે હુમલો કર્યો હતો, અને પછી પુરાવા છુપાવવા માટે બંનેએ રઈસની લાશને ફોરેસ્ટ ડેપો પાછળ ફેંકી દીધી હતી.

"પ્રથમ દૃષ્ટિએ, માત્ર પત્ની પર શંકા હતી, તેણે પોલીસને ગેરમાર્ગે દોર્યા હતા, પરંતુ પછી સફિનાએ જણાવ્યું હતું કે, તેના આરોપી આરઝૂ સાથે ગેરકાયદેસર સંબંધો હતા. તેણે આરઝૂ સાથે ફોન પર હત્યાની યોજના બનાવી હતી. આ પછી તે જ રાત્રે તેની હત્યા કરવામાં આવી હતી." - અમિત કશ્યપ, શહેર પીલોસ અધિકારી

પોલીસે આ ઘટનામાં આરોપી સફીના ખાતૂન દ્વારા ઉપયોગમાં લેવાયેલ મોબાઈલ ફોન કબજે કરી તેને જ્યુડિશિયલ રિમાન્ડ પર મોકલી આપ્યો છે. કેસમાં કલમ 201, 120 (B), 34 ઉમેરવામાં આવી છે. આરોપી આરઝૂ ખાન અને ખુશી ખાનની ધરપકડ કરવા માટે એક ટીમ મોકલવામાં આવી છે, શહેર પોલીસ સ્ટેશનના અધિકારી અમિત કશ્યપના જણાવ્યા અનુસાર, બંને આરોપીઓની ટૂંક સમયમાં ધરપકડ કરવામાં આવશે.