નવી દિલ્હીઃ દિલ્હીથી સાન ફ્રાન્સિસ્કો જઈ રહેલી એર ઈન્ડિયાની ફ્લાઈટમાં ટેકનિકલ ખામી સર્જાતા ફ્લાઈટને રશિયા તરફ વાળવામાં છે. રશિયાના ક્રાસ્ત્રોયાર્સ્ક ઇન્ટરનેશનલ એરપોર્ટ પર ફ્લાઈટ સુરક્ષિત રીતે લેન્ડ થઈ હતી. એર ઈન્ડિયાએ ટ્વીટ કરીને આ જાણકારી આપી છે, એર ઈન્ડિયાએ કહ્યું કે, "અમે અધિકારીઓ સાથે કામ કરી રહ્યા છીએ".
એર ઈન્ડિયાએ માહિતી આપી છે કે, દિલ્હીથી સાન ફ્રાન્સિસ્કો જતી એર ઈન્ડિયાની ફ્લાઈટ AI-183માં ટેક્નિકલ કારણોસર રશિયાના ક્રાસ્ત્રોયાર્સ્ક ઈન્ટરનેશનલ એરપોર્ટ (UNKL) તરફ વાળવામાં આવી છે. અહેવાલો અનુસાર, વિમાન સુરક્ષિત રીતે ઉતરી ગયું છે અને એરલાઇન અધિકારીઓ સંબંધિત અધિકારીઓ સાથે કામ કરી રહ્યા છે. જ્યાં સુધી આગળની કાર્યવાહીનો નિર્ણય લેવામાં ન આવે ત્યાં સુધી મહેમાનોની સંભાળ રાખવાનું સુનિશ્ચિત કરવામાં આવ્યું છે.
મહેમાનોની સંભાળ રાખવામાં આવશે: એર ઈન્ડિયાનું સત્તાવાર એક્સ હેન્ડલ પર જાણકારી આપવામાં આવી છે કે, "અમે એ સુનિશ્ચિત કરવા માટે સંબંધિત સત્તાવાળાઓ સાથે મળીને કામ કરી રહ્યા છીએ કે જ્યાં સુધી આગળની કાર્યવાહીનો નિર્ણય લેવામાં ન આવે ત્યાં સુધી મહેમાનોની સંભાળ રાખવામાં આવે, અમારા મુસાફરો અને ક્રૂની સુરક્ષા અને સુખાકારી પ્રથમ આવે છે."
પરિવારજનોનો આભાર વ્યક્ત કર્યો: એર ઈન્ડિયાના અધિકારીઓના જણાવ્યા મુજબ, "અમે હાલમાં પરિસ્થિતિનું મૂલ્યાંકન કરી રહ્યા છીએ અને અમારા મુસાફરોને શક્ય તેટલી વહેલી તકે તેમના અંતિમ મુકામ પર લઈ જવાની વ્યવસ્થા કરીશું. મુસાફરોને ભોજન, રહેઠાણ અને જરૂરી સહાય પૂરી પાડવામાં આવી રહી છે. આ સમયગાળા દરમિયાન ધીરજ અને સહકાર બદલ એરલાઈને મુસાફરો અને તેમના પરિવારજનોનો આભાર વ્યક્ત કર્યો છે.
રશિયાએ પણ આ અંગે પ્રતિક્રિયા આપી છે:"ત્રણ વરિષ્ઠ અધિકારીઓની એક દૂતાવાસની ટીમ ક્રાસ્ત્રોયાર્સ્કમાં સાન ફ્રાન્સિસ્કો જતી એર ઈન્ડિયાની ફ્લાઈટના મુસાફરોની મદદ માટે હાજર છે, જેણે ગઈકાલે રાત્રે ક્રાસ્ત્રોયાર્સ્કમાં ઈમરજન્સી લેન્ડિંગ કરાવ્યું હતું. ટીમ એરપોર્ટ અને એરપોર્ટ સાથે સંકલન કરી રહી છે. સુરક્ષા અધિકારીઓ અને રશિયન વિદેશ મંત્રાલયના પ્રતિનિધિઓ મુસાફરોને આગળની મુસાફરી પ્રદાન ના કરે ત્યાં સુધી તેઓ ત્યાં જ રહેશે.
- સુરત એરપોર્ટ વિસ્તરણ કરવા સરકારે આપી લીલી ઝંડી, 80 હજાર ચો.મી. જગ્યાનું સંપાદન થશે - Govt approval for airport expansion
- આખરે રાજકોટ ઈન્ટરનેશનલ એરપોર્ટ પરથી ઉડશે આતંરરાષ્ટ્રીય ફ્લાઈટ, - International flight Rajkot airport
