গুৱাহাটীত গৃহমন্ত্ৰী অমিত শ্বাহৰ মেগা ৰোড শ্ব’ - AMIT SHAH ROAD SHOW - AMIT SHAH ROAD SHOW

গুৱাহাটী লোকসভা সমষ্টিৰ প্ৰাৰ্থী বিজুলী কলিতা মেধীৰ হৈ গুৱাহাটীত কেন্দ্ৰীয় গৃহমন্ত্ৰী অমিত শ্বাহৰ ৰোড শ্ব’ । গুৱাহাটীৰ মাজমজিয়াত চাইকেল ফেক্টৰীৰ পৰা লাল গণেশলৈ প্ৰায় দুই কিলোমিটাৰ জোৰা এক ৰোড শ্ব’ত অংশ লয় অমিত শ্বাহে ৷ কেন্দ্ৰীয় মন্ত্ৰীগৰাকীক স্বচ্ছক্ষে প্ৰত্যক্ষ কৰিবলৈ পথৰ দুই কাষে ব্যাপক জনসমাগম হয় ৷কেন্দ্ৰীয় মন্ত্ৰীগৰাকীয়ে হাত জোকাৰি জনতাক অভিবাদন জনায় ৷ উল্লেখ্য যে, আজি বিয়লি এখন বিশেষ বিমানেৰে বৰঝাৰ বিমান বন্দৰত অৱতৰণ কৰে শ্বাহে ৷ বিমান বন্দৰত কেন্দ্ৰীয় মন্ত্ৰী সৰ্বানন্দ সোণোৱাল, ৰাজ্যিক বিজেপি সভাপতি ভৱেশ কলিতা, বিজেপি প্ৰাৰ্থী বিজুলী কলিতা মেধিয়ে অমিত শ্বাহক আদৰি জনায় ৷ বিমান বন্দৰৰ পৰা কটকটীয়া নিৰাপত্তাৰ মাজেৰে হোটেল ৰেডিচন ব্লুলৈ আহে মন্ত্ৰীগৰাকী ।ৰেডিচন ব্লুত কিছুসময় জিৰণি লৈ ৰোড শ্ব’ত অংশগ্ৰহণ কৰে মন্ত্ৰীগৰাকীয়ে ৷ কইনাধৰাত আজি নিশাটো কটাব গৃহমন্ত্ৰীগৰাকীয়ে ।