বৰপেটাত ভিৰৰ সুযোগ লৈ শ্ব'পিং মলত পকেটমাৰে লুটিলে গ্ৰাহকক - Pickpocket terror in Barpeta - PICKPOCKET TERROR IN BARPETA

বৰপেটা, ১৫ জুন: বৰপেটাত ঈদৰ বজাৰত ভিৰৰ সুযোগ লৈ পকেটমাৰৰ হাত চাফাই ৷ বৰপেটাৰ এটা মলত শনিবাৰে ঈদৰ বজাৰত ভিৰৰ সুযোগ লৈ পকেটমাৰে কেইবাগৰাকী গ্ৰাহকৰ পৰা লুটিলে ধন ৷ এই শ্বপিং মলটোত হোৱা ভিৰৰ সুযোগ লৈ ৫ গৰাকীকৈ গ্ৰাহকৰ পৰা লুটিলে ধন ৷  

বজাৰ কৰিবলৈ অহা গ্ৰাহক মৰিয়ম আহমেদ, শ্বৰিফা খাতুন, ৰেহেনা পাৰৱীন, কদভানু নামৰ গ্ৰাহক কেইগৰাকীৰ মানিবেগত থকা ধনৰ লগতে আন কেতবোৰ প্ৰয়োজনীয় নথিও চুৰি কৰে ৷ ইপিনে, পকেটমাৰৰ এই ঘটনাক লৈ ভুক্তভোগী গ্ৰাহকসকলে শ্ব'পিং মলৰ সুৰক্ষা ব্যৱস্থাত থকা ত্ৰুটিৰ বাবেই এনেদৰে পকেটমাৰে গ্ৰাহকৰ পৰা ধন লুট কৰিবলৈ সুবিধা পোৱা বুলি অভিযোগ উত্থাপন কৰিছে ৷ বিশেষকৈ শ্ব'পিং মলত প্ৰয়োজনীয় চিচিটিভি কেমেৰা নথকাৰো অভিযোগ কৰিছে ভুক্তভোগী গ্ৰাহকসকলে ৷

এইক্ষেত্ৰত মল কৰ্তৃপক্ষক উপযুক্ত সুৰক্ষা ব্যৱস্থা গ্ৰহণৰ দাবী জনাইছে ভুক্তভোগী গ্ৰাহকসকলে ৷ ইতিমধ্যে ভুক্তভোগীয়ে বৰপেটা থানাৰ আৰক্ষীক এই ঘটনা সন্দৰ্ভত অৱগত কৰিছে ।