বেলতলাত জব্দ ১০ কোটি টকাৰ হেৰ'ইন, তিনিটা ড্ৰাগছ সৰবৰাহকাৰী গ্ৰেপ্তাৰ - HEROIN SEIZED IN ASSAM
Published : Apr 9, 2024, 8:19 PM IST
গুৱাহাটী, ৯ এপ্ৰিল : গুৱাহাটী মহানগৰীৰ বেলতলাত পুনৰ এছটিএফে অভিযান চলাই তিনিটা ড্ৰাগছ সৰবৰাহকাৰীক গ্ৰেপ্তাৰ কৰে । ধৃত তিনি সৰবৰাহকাৰী তিনিটা হৈছে ডিগবৈৰ সুমন তালুকদাৰ, ওদালগুৰিৰ আদুলুমি গৈয়াৰী অৰু চিলাপথাৰৰ নাৰ্ছিং বসুমতাৰী । সৰবৰাহকাৰী তিনিটাৰ পৰা জব্দ কৰা হয় ১০ কোটি টকাৰ হেৰ'ইন ।
মঙলবাৰে দিনৰ ভাগত বেলতলাৰ ৰূপকোঁৱৰ পথত এছটিএফ বিষয়া কপিল পাঠকৰ নেতৃত্বত এটা দলে অভিযান চলাই তিনিটাকৈ সৰবৰাহকাৰীক গ্ৰেপ্তাৰ কৰিবলৈ সক্ষম হয় । লগতে ১০ কোটি মূল্য়ৰ এক কিলোগ্ৰাম হেৰ'ইন, তিনিটা ম'বাইল ফোন আৰু নগদ ধন জব্দ কৰে । উল্লেখ্য যে বিগত কেইটামান দিনৰ ভিতৰতে এছটিএফে চলোৱা অভিযানত মহানগৰীৰ বিভিন্ন স্থানৰ পৰা বহু পৰিমাণে জব্দ কৰে নিচাজাতীয় নিষিদ্ধ সামগ্ৰী ।
লগতে পঢ়ক:কাছাৰত জব্দ 200 কোটি টকাৰ হেৰ’ইন - HEROIN SEIZED IN ASSAM