নগাঁৱত বোমাৰ সন্ধানত অভিযান অব্যাহত - ULFA I bomb plans

নগাঁও,১৫ আগষ্ট: নগাঁৱৰ দুটাকৈ স্থানত বোমা সংস্থাপন কৰা বুলি আলফা স্বাধীনে বিবৃতি প্ৰকাশ কৰাৰ পাছতেই তৎপৰ হৈ পৰিছে নগাঁও আৰক্ষী । নগাঁৱৰ মেডিকেল কলেজ ৰোডৰ লগতে বৰঘাট বাইপাছতো আৰক্ষীয়ে বোমা বিচাৰি অব্যাহত ৰাখিছে অভিযান । বৰঘাট আৰক্ষী চকীৰ সমীপতে বোমা থকাৰ সন্দেহ কৰি তীব্রতৰ কৰি তুলিছে অভিযান ।  

বাতৰি সংগ্ৰহৰ সময়লৈকে বোমা আছে নে নাই সেয়া নিশ্চিত কৰা নাই আৰক্ষী প্ৰশাসনে । কিন্তু বোমা থকাৰ সন্দেহত ইতিমধ্যেই বৰঘাটত বোমা বিশেষজ্ঞৰ দল উপস্থিত হৈছে । লগতে বোমা নিষ্ক্ৰিয় কৰাৰ সকলো সামগ্ৰী লগত লৈ সষ্টম হৈ আছে আৰক্ষীৰ লগতে চি আৰু পি এফৰ বোমা বিশেষজ্ঞৰ দল । সমগ্ৰ নগাঁৱত সম্প্ৰতি সৃষ্টি হৈছে বোমা আতংকৰ ।