হায়দৰাবাদ:2024 চনৰ জুন মাহত দেশৰ আটাইতকৈ জনপ্ৰিয় মেছেজিং এপ হোৱাটছএপে মেটা এআই নামৰ এআই চালিত চেটবট মুকলি কৰিছিল য’ত বহুতো উন্নত বৈশিষ্ট্য আছে । যোৱা কেইমাহমানৰ পৰা কোম্পানীটোৱে চেটবটৰ বৈশিষ্ট্য আৰু সুবিধাসমূহ ব্যৱহাৰকাৰীৰ বাবে অধিক উপযোগী কৰি তুলিবলৈ কাম কৰি আহিছে । শেহতীয়াকৈ প্ৰকাশিত এক প্ৰতিবেদনত প্ৰকাশ পাইছে যে হোৱাটছএপে মেটা এআইৰ বাবে নতুন চেট মেম’ৰী বৈশিষ্ট্য পৰীক্ষা কৰি আছে যিয়ে চেটবটে পূৰ্বৰ কথা-বতৰা (Chat History) সংৰক্ষণ কৰিব পাৰিব । এই নতুন মেটা এআই বৈশিষ্ট্যই কেনেকৈ কাম কৰে জানি লওক---
মেটা AI ৰ বাবে হোৱাটছএপ চেট মেমৰি বৈশিষ্ট্য
WABetaInfo ৰ এক প্ৰতিবেদন অনুসৰি, WhatsApp এ অধিক ব্যক্তিগতকৃত অভিজ্ঞতা প্ৰদান কৰিবলৈ AI-powered এটা নতুন বৈশিষ্ট্য প্ৰস্তুত কৰিছে । এই বৈশিষ্ট্যৰ নাম হৈছে ‘Chat Memory’, যাৰ জৰিয়তে মেটা AI য়ে অতীতৰ কথোপকথন বা Chat সংৰক্ষণ কৰিব পাৰিব । এই বৈশিষ্ট্যৰ জৰিয়তে ব্যৱহাৰকাৰীয়ে কিছুমান আড্ডাৰ তথ্য যেনে ব্যক্তিগত তথ্য, জন্মদিন, সময়সূচী আদি মেটা AI ৰ সহায়ত সংৰক্ষণ কৰিব পাৰিব বুলি আশা কৰা হৈছে ।
প্ৰতিবেদনত উল্লেখ কৰা হৈছে যে মেটা AI য়ে ব্যৱহাৰকাৰীৰ পছন্দ আৰু জীৱনশৈলীৰ সৈতে সামঞ্জস্যপূৰ্ণ পৰামৰ্শ বা মতামত আগবঢ়াব পাৰে । মেটা AI ৰ হোৱাটছএপ চেট মেমৰি বৈশিষ্ট্যই ব্যৱহাৰকাৰীক পূৰ্বৰ Chat ৰ বিষয়ে তথ্য প্ৰদান কৰিব । যাতে ব্যৱহাৰকাৰীয়ে চেটবটৰ সৈতে অধিক প্ৰাসংগিক, অধিক ব্যক্তিগত আৰু স্বাভাৱিক কথোপকথনৰ অভিজ্ঞতা লাভ কৰে । এতিয়া আপোনালোকৰ বহুতেই মেটা এআই বৈশিষ্ট্য সন্দৰ্ভত গোপনীয়তাৰ বাবে চিন্তিত হ’ব পাৰে ।