হায়দৰাবাদ: ইলেক্ট্ৰিক দুচকীয়া বাহন নিৰ্মাতা কোম্পানী আথেৰ এনাৰ্জীয়ে নিজৰ স্প’ৰ্টী 450 ইলেক্ট্ৰিক স্কুটাৰখন কিছু নতুন বৈশিষ্ট্য আৰু অধিক ৰেঞ্জৰ সৈতে আপডেট কৰিছে । 1.30 লাখ টকাৰ আৰম্ভণি মূল্যত মুকলি কৰা হৈছে Ather 450S । ইয়াৰ মিড স্পেক 450X 2.9 ৰ মূল্য 1.47 লাখ টকা আৰু টপ স্পেক 450X 3.7 ৰ মূল্য 1.57 লাখ টকা (এক্স শ্ব’ৰুম)।
আপডেট কৰা Ather 450S ৰ দাম এতিয়া আগৰ তুলনাত 4400 টকা বেছি আৰু এতিয়া আপুনি অলপ বেছি দ্ৰুত 375W চাৰ্জাৰ পাব, আনহাতে পুৰণি মডেলত 350W চাৰ্জাৰ আহিছিল । ইয়াৰ ফলত পূৰ্বৰ মডেলতকৈ চাৰ্জিং দ্ৰুত হ’ব ।
আথেৰে 450S ৰ প্ৰ’ পেকৰ দামও 14 হাজাৰ টকালৈ বৃদ্ধি কৰিছে । Ather ই-স্কুটাৰৰ বেছিভাগ বৈশিষ্ট্যই ইয়াৰ Pro পেকৰ সৈতে আহে, গতিকে এইটো মনত ৰাখিবলগীয়া ।
Ather 450X ৰ দুয়োটা ভেৰিয়েন্ট এতিয়া মেজিক টুইষ্ট আৰু ট্ৰেকচন কণ্ট্ৰলৰ সৈতে দুটা নতুন ৰঙৰ বিকল্পত আহিছে আৰু দুয়োটা বিভিন্ন স্তৰত এডজাষ্টেবল । 450X 2.9 য়ে সৰ্বাধিক 6,400 টকাৰ হাইক লাভ কৰে, কিন্তু আথেৰে এতিয়া এই স্কুটাৰখন দ্ৰুত 700W চাৰ্জাৰৰ সৈতে আগবঢ়াইছে, যাৰ ফলত চাৰ্জিঙৰ সময় প্ৰায় আধা হ্ৰাস পাইছে ।