প্ৰাতঃভ্ৰমণলৈ গৈ উভতি নাহিল চেলেংহাটৰ মল্লিকা
যোৰহাট, 9 এপ্ৰিল:মঙলবাৰৰপুৱাই যোৰহাটত সংঘটিত হয় এক ভয়ংকৰ পথ দুৰ্ঘটনা । অবৈধভাৱে বালি কঢ়িওৱা ডাম্পাৰৰ খুন্দাত অকালতে প্ৰাণ হেৰুৱালে প্ৰাতঃভ্ৰমণলৈ অহা এগৰাকী মহিলাই । অবৈধভাৱে বালি কঢ়িওৱা ডাম্পাৰে প্ৰাণ কঢ়া মহিলাগৰাকী চেলেংহাটৰ মল্লিকা গগৈ দুৱৰা বুলি জানিব পৰা গৈছে ।
উক্ত ঘটনাটো সংঘটিত কৰিয়েই ঘটনাস্থলীৰ পৰা পলায়ন কৰে অবৈধ বালি কঢ়িওৱা ডাম্পাৰখন ৷ ঘটনা সন্দৰ্ভত অৱগত হোৱাৰ পাচতে চেলেংহাট আৰক্ষীয়ে জব্দ কৰিবলৈ সক্ষম হৈছে ডাম্পাৰখন ৷ ডাম্পাৰখন শ্যামন্ত গগৈ নামৰ বালি ব্যৱসায়ীজনৰ বুলি জানিব পৰা গৈছে ।
ঘটনা সংঘটিত কৰা ডাম্পাৰখনৰ পঞ্জীয়ন নম্বৰ AS 04-BC-6286 । ঘটনাৰ পিছতেই স্থানীয় লোকে ততাতৈয়াকৈ মহিলাগৰাকীক চিকিৎসাৰ বাবে আমগুৰি সামূহিক চিকিৎসালয়লৈ লৈ যায় যদিও চিকিৎসকে তেওঁক মৃত ঘোষণা কৰে ।