জোনাই, 4 মে’ :প্ৰকৃতি ৰক্ষাৰ হকে আগবাঢ়ি আহিছে একাংশ সংবাদ কৰ্মী ৷চিলাপথাৰপ্ৰেছ ক্লাবৰ সংবাদ কৰ্মীসকলে শনিবাৰে ধেমাজি জিলাৰ ব্ৰহ্মপুত্ৰৰ উত্তৰ পাৰৰ কাৰেং চাপৰিত গ্ৰহণ কৰিছে গছপুলি ৰোপণৰ কাৰ্যসূচী ।
উল্লেখযোগ্য যে, 1600 বিঘা মাটিত অৰণ্য গঢ় দিয়াৰ উদ্দেশ্যৰে টি.এম.পি.কেয়ে কাৰেং চাপৰিত অৱস্থিত মিছিং মহোৎসৱস্থলীত বিগত সময়ত ৰোপণ কৰিছিল 1 লাখ গছ পুলি । এইবাৰো একেটা স্থানতে ধৰিত্ৰী দিৱস আৰু শ্বহীদ দিৱসৰ সৈতে সংগতি ৰাখি টি.এম.পি.কেয়ে গ্ৰহণ কৰিছে ডেৰ মাহজোৰা গছপুলি ৰোপণৰ কাৰ্যসূচী । এই অনুষ্ঠানলৈ সহযোগিতাৰ হাত আগবঢ়াইছে চিলাপথাৰ প্ৰেছ ক্লাবে ৷
ইয়াৰ লগতে, এই কাৰ্যসূচীৰ প্ৰতি ধেমাজি জিলা আৰক্ষী, মিচিং শিল্পী দল, চিলাপথাৰ বিজ্ঞান মহাবিদ্যালয়কে আদি কৰি বিভিন্ন অনুষ্ঠান প্ৰতিষ্ঠানেও সঁহাৰি আগবঢ়াইছে বুলি জানিব পৰা গৈছে । আজি চিলাপথাৰ প্ৰেছ ক্লাৱ আৰু জোনাই প্ৰেছ ক্লাৱৰ বহু কেইগৰাকী সংবাদ কৰ্মীয়ে ৰোপণ কৰে গছপুলি ।
উল্লেখযোগ্য যে, এইবাৰ যিসকল লোকে গছপুলি ৰোপণ কাৰ্যসূচীৰ নেতৃত্ব লৈছে সেইসকলে ৰোপণৰ উপৰিও গছ পুলিটো প্ৰতিপালন কৰি তোলাৰ বাবেও দায়ৱদ্ধ বুলি টি এম পি কেৰ কৰ্মীসকলে জানিবলৈ দিছে ।