তিনিচুকীয়া: দিনজান ঘাটত দেওবাৰে নাৱত উঠি জীৱন ৰক্ষা কৰিব বিচৰাৰ সময়ত গোৰ মাৰি পুনৰ পানীত পেলাই দিয়া মনোজ প্ৰায়াক তৃতীয় দিনাও উদ্ধাৰ কৰিবলৈ সক্ষম হোৱা নাই এছ ডি আৰ এফ ।
একে সময়তে গোৰ মাৰি নাৱত উঠিবলৈ বাধা দিয়া দধীয়াৰ অমৃশ মিপুনৰ সন্ধানত আৰক্ষীয়ে অব্যাহত ৰাখিছে তীব্ৰ অভিযান । লগতে উক্ত নাও দুৰ্ঘটনাত থকা দধীয়াৰ আৰোহীসকলৰ কাষলৈ গৈ সোধাপোচা কৰে তিনিচুকীয়া আৰক্ষীয়ে ।
মঙলবাৰে তিনিচুকীয়া জিলাৰ উপ-আৰক্ষী অধীক্ষক আৰু পানীতোলা আৰক্ষী চকীৰ ভাৰপ্ৰাপ্ত আৰক্ষী বিষয়াৰ নেতৃত্বত এটা আৰক্ষীৰ দলে নাৱেৰে দধীয়ালৈ যাত্ৰা কৰাৰ লগতে অভিযুক্তক আটক কৰিবলৈ চলাই ব্যাপক অভিযান । উক্ত অভিযানৰ সময়ত দধীয়াৰ অভিযুক্ত অমৃশ মিপুনৰ বাসগৃহলৈ আৰক্ষী গৈছিল যদিও অভিযুক্তজন ঘৰত উপস্থিত নাছিল বুলি জানিবলৈ দিয়ে স্থানীয় লোকে । ইফালে, উক্ত ঘটনাত জড়িত সকলক অতি সোনকালে কৰায়ত্ত কৰিবলৈ দাবী জনাইছে আদিবাসী ছাত্ৰ সন্থাই আহ্বান ।