নগাঁও, 18 অক্টোবৰ :"অসম চুক্তিক লৈ ৰাজ্যৰ মুখ্যমন্ত্ৰী ড৹ হিমন্ত বিশ্ব শৰ্মাই বিধানসভাৰ ভিতৰে-বাহিৰে উপলুঙা কৰি কৰিছিল । বিভিন্নজনক ভয়-ভীতি প্ৰদৰ্শন কৰিছিল । কিন্তু বিদেশী চিনাক্তকৰণক লৈ উচ্চতম ন্যায়ালয়ে প্ৰদান কৰা ৰায়দানে মুখ্যমন্ত্ৰী ড৹ হিমন্ত বিশ্ব শৰ্মাই দেখুওৱাই অহা ভয়-ভাবুকিৰ অন্ত পেলালে ।" এই মন্তব্য ধুবুৰী লোকসভা সমষ্টিৰ কংগ্ৰেছী সাংসদ ৰকিবুল হুছেইনৰ ।
দেশৰ সৰ্বোচ্চ ন্যায়ালয়ে বৃহস্পতিবাৰে বিদেশী চিনাক্তকৰণক লৈ প্ৰদান কৰা ঐতিহাসিক ৰায়দানক আদৰণি জনাই অসম চুক্তি আৰু উচ্চতম ন্যায়ালয়ৰ ৰায়দানক লৈ কেবাটাও মন্তব্য কৰে সাংসদ ৰকিবুল হুছেইনে । বৃহস্পতিবাৰে নগাঁৱত এক সংবাদমেল সম্বোধন কৰি মুখ্যমন্ত্ৰী ড৹ হিমন্ত বিশ্ব শৰ্মাৰ লগতে মন্ত্ৰী পীযুষ হাজৰীকাৰ বিৰুদ্ধেও সৰৱ হৈ পৰে কংগ্ৰেছৰ জ্যেষ্ঠ নেতা ৰকিবুল হুছেইন ।
উচ্চতম ন্যায়ালয়ৰ ৰায়ক আদৰণি সাংসদ ৰকিবুল হুছেইনৰ (ETV Bharat Assam)