শিলচৰ, ২০ জুলাই: কাছাৰৰ কাটিগড়াৰ ভাৰত-বাংলাদেশ সীমান্তত উপস্থিত হৈ আজি অৰ্থাৎ শনিবাৰে বিকল শ্লুইছ গেট পৰিদৰ্শন কৰে জলসম্পদ মন্ত্ৰী পীযুষ হাজৰীকাই ৷ মন্ত্ৰী হাজৰীকাৰ এই পৰিদৰ্শনৰ সময়ত তেওঁৰ লগত উপস্থিত থাকে উত্তৰ কৰিমগঞ্জৰ বিধায়ক কমলাক্ষ দে’ পুৰকায়স্থ । মন্ত্ৰী পীযুষ হাজৰীকাৰ পৰিদৰ্শনৰ সময়ত তেওঁৰ লগত কমলাক্ষ দে’ক দেখি ৰুদ্ৰমূৰ্তি ধাৰণ কৰে কাটিগড়াৰ স্থানীয় বিজেপি কৰ্মীসকল । আৰম্ভ কৰে কমলাক্ষ দে’ গ’ বেক, কমলাক্ষ দে’ মুৰ্দাবাদ ধ্বনি ।
লগতে পঢ়ক:বিপদত পৰিছে কংগ্ৰেছত থাকি বিজেপি চৰকাৰক সমৰ্থন জনোৱা তিনি বিধায়ক - LOK SABHA ELECTION 2024
আনকি মন্ত্ৰীৰ সম্মুখতে কাটিগড়া কালাইন মণ্ডল বিজেপিৰ সভাপতি নিত্য গোপাল দাসৰ মুখৰ পৰা ওলাল কমলাক্ষ গ’ বেক ধ্বনি । উত্তেজিত বিজেপি কৰ্মীসকলে মন্ত্ৰী পীযুষ হাজৰীকাৰ সম্মুখতে পহুখেদা দিয়ে বিধায়ক কমলাক্ষ দে’ পুৰকায়স্থক । এটা সময়ত ঘটনাক কেন্দ্ৰ কৰি কাটিগড়াৰ স্থানীয় বিজেপি কৰ্মী আৰু বিধায়ক কমলাক্ষ দে‘ পুৰকায়স্থৰ সমৰ্থকৰ মাজত ঠেলা-হেঁচা আৰম্ভ হয় । ইফালে অৱস্থা বিষম দেখি জলসম্পদ বিভাগৰ এজন বিষয়াৰ গাড়ীত উঠি পলায়ন কৰে বিধায়ক কমলাক্ষ দে‘ পুৰকায়স্থই ।