গোলাঘাট, ১৭ মে' : শুকুৰবাৰে গোলাঘাটত গোলাঘাট মিডিয়া ফ'ৰামৰ ষষ্ঠ সংখ্যক প্ৰতিষ্ঠা দিৱস উদযাপন কৰা হয় । এই উপলক্ষে গোলাঘাট পৌৰসভা কাৰ্যালয়ৰ সন্মুখত থকা শ্বহীদ সাংবাদিক পৰাগ কুমাৰ দাসৰ আৱক্ষ মূৰ্তিত বন্তি প্ৰজ্বলন কৰে মিডিয়া ফ’ৰামৰ সভাপতি দিগন্ত বৰাই ৷ আনহাতে, পুষ্পাঞ্জলি অৰ্পণ কৰে মিডায়া ফ'ৰামৰ বিষয়ববীয়াসকলে ।
ইয়াৰ পিচতেই গোলাঘাট পৌৰসভাৰ পেক্ষাগৃহত মিডিয়া ফ’ৰামৰ সভাপতি দিগন্ত বৰাৰ সভাপতিত্বত মুকলি সভা আৰু বঁটা প্ৰদান অনুষ্ঠান অনুষ্ঠিত হয় ৷ উক্ত সভাত উপস্থিত থাকে বিশিষ্ট নিবন্ধকাৰ ডাঃ অজিত বৰুৱা । সভাত তেওঁ সাংবাদিকসকলৰ কৰ্তব্য আৰু দায়িত্বৰ ওপৰত বিস্তাৰিতভাৱে বক্তব্য আগবঢ়ায় । শিক্ষাবিদ দীনেশ গগৈ, জেষ্ঠ সাংবাদিক দ্বীপেন দত্তৰ লগতে গোলাঘাটৰ বিভিন্ন দল-সংগঠনৰ বিষয়ববীয়াও সভাত উপস্থিত থাকে ৷ ইয়াৰ উপৰি গোলাঘাট মিডিয়া ফ’ৰামৰ প্ৰতিষ্ঠা দিৱসৰ লগত সংগতি ৰাখি অনুষ্ঠিত কৰা চিত্ৰাংকন প্ৰতিযোগিতাৰ বিজয়ীসকলক বঁটা প্ৰদান কৰা হয় ৷