জোনাই, ৭ জুলাই: জোনাইত বানপানী হ্ৰাস পাইছে যদিও চহা খেতিয়কৰ দুখে কুলাই-পাচিয়ে নধৰা হৈছে । শেহতীয়া বানে বিঘাই বিঘাই নষ্ট কৰিলে ভোট জলকীয়াৰ খেতি । ফলত মূৰে-কপালে হাত দিছে চহা কৃষকে । খেতিৰ জৰিয়তে স্বাৱলম্বিতাৰ সপোন দেখা জোনাইৰ ললাদ গাঁৱৰ খেতিয়কৰ সপোন কাঢ়ি লৈ গ’ল বছৰৰ দ্বিতীয়টো বানে ।
ভোট জলকীয়াৰ খেতি (ETV BHARAT ASSAM)
উল্লেখ্য যে জোনাইৰ মেনজেক বা দিৰদাং নৈৰ ফেনে ফোটোকাৰে বাঢ়ি অহা পানীয়ে বিভিন্ন অঞ্চলত তাণ্ডৱ সৃষ্টি কৰে । সমান্তৰালকৈ চন্দ্ৰপুৰত এটা মথাউৰি ছিঙি যোৱাত কুলি তিনিআলিৰ কিছু নিলগত ললাদ গাঁৱৰ খেতিয়ক চুৱন টায়েৰ তিনি বিঘা ভোট জলকীয়াৰ খেতি পথাৰত বানে ধুই যোৱাত জলকীয়াৰ গছবোৰ এতিয়া আধাতে মৰহি যাব ধৰিছে । ফলত চিন্তিত হৈ পৰিছে খেতিয়কজন ৷
লগতে পঢ়ক:জোনাইত বাঢ়নী পানীয়ে ছিঙিলে গাইড বান্ধ; নিদ্ৰাহৰণ ৰাইজৰ - Assam flood 2024