উল্লেখ্য যে হিন্দু ধৰ্মৰ তেত্ৰিশ কোটি দেৱতাৰ ভিতৰত গণেশ হৈছে অন্যতম । ঐতিহাসিক লতাশিল গণেশ মন্দিৰত আয়োজন কৰা হৈছে গণেশ চতুৰ্থীৰ । এদিনীয়া কাৰ্যসূচীৰে আয়োজন কৰা হৈছে গণেশ পূজা । গণেশ চতুৰ্থীৰ দিনটোত নিত্য নৈমিত্তিক পূজাৰ পিচতে ভক্তৰ বাবে মন্দিৰৰ দুৱাৰ খুলি দিয়া হয় ।
বিশ্ব শান্তিৰ বাবে ইয়াত আজি তিনিটা আহুতি দিয়া হ'ব । আনহাতে, মন্দিৰৰ সভাপতি ৰমেন বৰুৱা য'তে আছে ভালে-কুশলে থাকি আমাৰ মাজলৈ যাতে ঘূৰি আহে তাৰ বাবে আহুতি দিয়া হ'ব । সন্ধিয়া অনুষ্ঠিত হ'ব মহিলাৰ নাম । আৰতিৰ পিচত প্ৰদৰ্শিত হ'ব আতচবাজী ।
আনহাতে, গণেশগুৰি গণেশ মন্দিৰতো বিগত বৰ্ষৰ দৰে এইবাৰো গণেশ চতুৰ্থীৰ আয়োজন কৰা হৈছে । এইবাৰ ৪৯ সংখ্যক গণেশ চতুৰ্থী আয়োজন কৰা হৈছে । পুৱা ৬ বজাৰ পৰা ভক্তৰ বাবে মন্দিৰৰ দুৱাৰ খুলি দিয়া হৈছে । ১০ বজাৰ পৰা পূজা-অৰ্চনা আৰম্ভ হৈছে । দুপৰীয়া ১২ .১৫ বজাত মহা আৰতি অনুষ্ঠিত হ'ব । সন্ধিয়া নাম-কীৰ্তন কৰা হ'ব ।
