মাজুলী : যোৱা সোমবাৰে কেইজনমান যুৱকে মাজুলীৰ অফলামুখঘাটৰ সমীপত পুৰণা বেচামৰাৰ ৩ নম্বৰ শৈল্যস্পাৰত বনভোজ খাবলৈ গৈছিল । এই যুৱককেইজনে আনন্দ মনেৰেই গৈছিল বিগত বছৰৰ বিদায়ী বেলাত । সকলো ঠিকেই আছিল । এই যুৱককেইজনে একেলগে ভাওনা কৰা বাবে সকলোৰে মাজত পৰিচিত । এই পৰিচিত যুৱককেইজনৰ মাজৰে পৰাই হঠাতে ৰহস্য়জনকভাৱে সন্ধানহীন হয় পিংকু হাজৰিকা ।
সন্ধানহীন হোৱাৰ বিষয়ে পলমকৈ অৱগত কৰিছিল বন্ধুৱে :
যুৱকৰ মৃতদেহ উদ্ধাৰ (ETV Bharat Assam)
যুৱককেইজনে পিংকু হাজৰিকাৰ পৰিয়ালক সন্ধানহীন হোৱাৰ বিষয়ে পলমকৈ অৱগত কৰে । তেতিয়াৰে পৰাই পৰিয়ালৰ লোকে বিচাৰ খোচাৰ কৰে । তেতিয়াৰে পৰা সন্ধান নাই যুৱকজনৰ । ব্ৰহ্মপুত্ৰত এছ ডি আৰ এফে অভিযানো চলায় । বুঢ়া লুইতক প্ৰাৰ্থনাও জনালে ৰাইজে । কিন্তু কোনো সন্ধান নোলাল । পিংকু ঘৰলৈ উভতি আহিব বুলি সকলোৱে আশা কৰিছিল । কিন্তু দেওবাৰে সাত দিনৰ মূৰত উদ্ধাৰ হ'ল পিংকুৰ মৃতদেহ ।