পুৱাই বটদ্ৰৱা নিৰ্মীয়মান প্ৰকল্প পৰিদৰ্শন মুখ্যমন্ত্ৰী হিমন্ত বিশ্ব শৰ্মাৰ
নগাঁও, 10 মাৰ্চ : দেওবাৰৰ পুৱাই গুৰুজনাৰ পৱিত্ৰ জন্মস্থান নগাঁৱৰ বটদ্ৰৱা থানত উপস্থিত হয় ৰাজ্যৰ মুখ্যমন্ত্ৰী ড৹ হিমন্ত বিশ্ব শৰ্মা ৷ নিৰ্মীয়মান বটদ্ৰৱা প্ৰকল্পৰ কামৰ বুজ ল’বলৈ ৰাজ্যৰ মুখ্যমন্ত্ৰীগৰাকী উপস্থিত হয় থানত । উল্লেখ কৰা প্ৰয়োজন যে, প্ৰথম পৰ্যায়ৰ কাম মুকলি কৰিবলৈ অহা 14 মাৰ্চত বটদ্ৰৱা থানলৈ আহিব কেন্দ্ৰীয় গৃহমন্ত্ৰী অমিত শ্বাহ ।
188 কোটি টকা ব্যয়েৰে নিৰ্মাণ কাৰ্য চলি থকা বটদ্ৰৱা প্ৰকল্পৰ কামৰ বুজ লৈ দেওবাৰে মুখ্যমন্ত্ৰী ড৹ হিমন্ত বিশ্ব শৰ্মাই সংবাদ মাধ্যমৰ আগত কয়, "বটদ্ৰৱা প্ৰকল্পৰ কাম ইতিমধ্যেই 80 শতাংশ সম্পূৰ্ণ হৈছে । চৰকাৰৰ তৃতীয় বৰ্ষপূৰ্তি তথা 10 মে’ৰ পূৰ্বে মুকলি হ’ব বটদ্ৰৱা প্ৰকল্প ৷" পুৱা হেলিকপ্টাৰেৰে বটদ্ৰৱা প্ৰকল্পত উপস্থিত হৈ নির্মাণকাৰ্য পৰিদর্শন কৰে মুখ্যমন্ত্ৰী ড৹ হিমন্ত বিশ্ব শৰ্মাই ।