স্প’ৰ্টছ ডেস্ক, 6 অক্টোবৰ:দেওবাৰে ডুবাইত অনুষ্ঠিত হোৱা আই চি চি মহিলা বিশ্বকাপ 2024 প্ৰতিযোগিতাৰ এখন মেচত জয় লাভ কৰিছে ভাৰতে ৷ পাকিস্তানৰ বিৰুদ্ধে 6 উইকেটত জয় লাভ কৰে ভাৰতীয় মহিলা ক্ৰিকেট দলে ৷ ভাৰতে পাকিস্তানে নিৰ্ধাৰণ কৰি দিয়া 106 ৰাণৰ লক্ষ্য আগত লৈ 18.4 অভাৰত লক্ষ্যত উপনীত হয় ৷ বিনিময়ত ভাৰতে হেৰুৱায় 4 টা উইকেট ।
এই জয়ৰ লগে লগে শৃংখলাটোত ভাৰতে দলৰ জয়ৰ একাউণ্ট মুকলি কৰে ৷ টছত জয়ী হৈ প্ৰথমে বেটিং কৰি পাকিস্তানৰ বেটছমেনসকলক ভাৰতীয় বলাৰৰ সন্মুখত দিশহাৰা হৈ পৰা দেখা যায় ৷ কোনো এগৰাকী পাকিস্তানী বেটছমেনে বিশেষ প্ৰদৰ্শন দাঙি ধৰিবলৈ সক্ষম নহ’ল ৷
পাকিস্তানৰ হৈ সৰ্বাধিক ৰাণ সংগ্ৰহ কৰে নিদা দাৰে ৷ ক্ৰিকেটাৰগৰাকীয়ে 64 টা বলত 28 ৰাণ সংগ্ৰহ কৰিছিল । ইয়াৰ বাহিৰে কোনো এগৰাকী বেটছমেনে 20 ৰাণৰ সীমা স্পৰ্শ কৰিব নোৱাৰিলে । পাকিস্তানৰ অধিনায়ক ফাতিমা ছানাই 8 টা বলত সংগ্ৰহ কৰিছিল 13 ৰাণ, যি দলটোক এটা শক্তিশালী স্থিতিত উপনীত কৰোৱাৰ ক্ষেত্ৰত পৰ্যাপ্ত নাছিল ৷