প্ৰধানমন্ত্ৰীৰ শুভেচ্ছা নীতিশ কুমাৰক; নীতিশেও জনালে কৃতজ্ঞতা

Nitish Kumar Oath Ceremony : প্ৰধানমন্ত্ৰী নৰেন্দ্ৰ মোদীয়ে অভিনন্দন জনোৱাৰ বাবে মুখ্যমন্ত্ৰী নীতিশ কুমাৰে কৃতজ্ঞতা জ্ঞাপন কৰে । মুখ্যমন্ত্ৰীগৰাকীয়ে কয় যে ৰাইজেই আৰু তেওঁলোকৰ সেৱা কৰাটোৱেই মূল উদ্দেশ্য ৷

নিউজ ডেস্ক, 28 জানুৱাৰী : বিহাৰত দেওবাৰে গঠন হ’ল এন ডি এ চৰকাৰ ৷ নৱমবাৰৰ বাবে মুখ্যমন্ত্ৰীৰ শপত গ্ৰহণ কৰে নীতিশ কুমাৰে ৷ ইয়াৰ বাবে প্ৰধানমন্ত্ৰী নৰেন্দ্ৰ মোদীয়ে অভিনন্দন জ্ঞাপন কৰে নীতিশ কুমাৰক ৷ ইফালে মুখ্যমন্ত্ৰী নীতিশ কুমাৰে প্ৰধানমন্ত্ৰীক কৃতজ্ঞতা জ্ঞাপন কৰে ৷ নীতিশ কুমাৰে ছ’চিয়েল মিডিয়াত ‘এক্স’ত (টুইটাৰ) পোষ্ট কৰি প্ৰধানমন্ত্ৰীক ধন্যবাদ জ্ঞাপন কৰে ৷

মুখ্যমন্ত্ৰীগৰাকীয়ে লিখিছে "মই মোৰ হৈ আৰু বিহাৰৰ সকলো ৰাইজৰ হৈ প্ৰধানমন্ত্ৰী নৰেন্দ্ৰ মোদীক তেওঁৰ অভিনন্দন আৰু শুভেচ্ছাৰ বাবে কৃতজ্ঞতা জ্ঞাপন কৰিছো ৷ তেওঁৰ সহযোগিতাৰ বাবে মই তেওঁক আন্তৰিকতাৰে ধন্যবাদ জনাইছো ৷" মুখ্যমন্ত্ৰীয়ে লগতে কয় যে "ৰাইজেই ৰজা আৰু তেওঁলোকৰ সেৱা কৰাটোৱেই আমাৰ মৌলিক উদ্দেশ্য ৷"

বিহাৰত এন ডি এ চৰকাৰ গঠন হোৱাৰ পিছত প্ৰধানমন্ত্ৰী নৰেন্দ্ৰ মোদীয়েও নিজৰ ছ’চিয়েল মিডিয়া ‘এক্স’ত (টুইটাৰ) এটা পোষ্টৰ জৰিয়তে নীতিশ কুমাৰক অভিনন্দন জনায় ৷ প্ৰধানমন্ত্ৰীয়ে কয়, "ৰাজ্যৰ উন্নয়ন আৰু জনসাধাৰণৰ আকাংক্ষা পূৰণৰ বাবে এন ডি এ চৰকাৰে কোনো ত্ৰুটি নাৰাখিব ৷ প্ৰধানমন্ত্ৰীয়ে মুখ্যমন্ত্ৰী নীতিশ কুমাৰ, উপ মুখ্যমন্ত্ৰী সম্ৰাট চৌধুৰী আৰু বিজয় সিনহাক অভিনন্দন জনাইছে ৷"

জে ডি ইউৰ সাংসদ লালন সিঙেও নীতিশ কুমাৰ আৰু এন ডি এ চৰকাৰৰ মন্ত্ৰীসকলক অভিনন্দন জনায় ৷ তেওঁৰ ছ’চিয়েল মিডিয়া ‘এক্স’ত পোষ্ট কৰি লিখিছে, “ন্যায়ৰ সৈতে উন্নয়নৰ বাবে এজন নিষ্ঠাৱান আৰু দৃঢ় নেতা সন্মানীয় শ্ৰী নীতিশ কুমাৰৰ নেতৃত্বত এন ডি এ চৰকাৰ গঠন হোৱাৰ বাবে সকলোকে আন্তৰিক অভিনন্দন আৰু শুভেচ্ছা জ্ঞাপন কৰিলোঁ ৷”

দেওবাৰে পুৱা 11 বজাত নীতিশ কুমাৰে গ্ৰেণ্ড এলায়েন্সৰ পৰা বিচ্ছিন্ন হৈ মুখ্যমন্ত্ৰীৰ পদৰ পৰা পদত্যাগ কৰে ৷ ইয়াৰ লগে লগে এন ডি এৰ সৈতে সহযোগিতা পত্ৰ ৰাজ্যপালৰ হাতত তুলি দি সন্ধিয়া 5 বজাত বিহাৰৰ মুখ্যমন্ত্ৰী হিচাপে পুনৰ শপত গ্ৰহণ কৰে ৷ বিহাৰৰ মুখ্যমন্ত্ৰী হিচাপে নৱম বাৰৰ বাবে শপত গ্ৰহণ কৰে নীতিশ কুমাৰে ৷ ইয়াৰ উপৰিও সম্ৰাট চৌধুৰী আৰু বিজয় সিনহাক উপ-মুখ্যমন্ত্ৰী হিচাপে নিযুক্তি দিয়া হৈছে ৷

লগতে পঢ়ক :ইণ্ডি এলায়েন্স সম্পূৰ্ণৰূপে ছিন্নভিন্ন হৈ পৰিছে: জে পি নাড্ডা