সময়ৰ লগে লগে মানুহৰ অভ্যাসৰ ক্ষেত্ৰতো বহু পৰিৱৰ্তন দেখা গৈছে ৷ ৯ৰ পৰা ৬টালৈ ডেস্কত বহি কাম কৰা লোকৰ সংখ্যা ক্ৰমাগতভাৱে বৃদ্ধি পাইছে ৷ এনে পৰিস্থিতিত মানুহে নিজৰ শৰীৰতকৈ নিজৰ কেৰিয়াৰত বেছি গুৰুত্ব দিয়ে ৷ এই কাৰণেই আজিৰ দিনত মেদবহুলতা তেনেই এক সাধাৰণ সমস্যা হৈ পৰিছে ৷ ইয়াৰ উপৰিও প্ৰতিটো বয়সৰ লোকৰ মাজত জাংক ফুডৰ প্ৰতি ক্ৰমাৎ বৃদ্ধি পোৱা উন্মাদনাই তেওঁলোকক শকত কৰাত অৰিহণা যোগাইছে ৷ এনে পৰিস্থিতিত বিশেষজ্ঞসকলে কয় যে, পুৱা কিছু সময় উলিয়াই অকণমান সময় ব্যায়াম কৰিলে বহু সমস্যাৰ পৰা নিজকে ৰক্ষা কৰিব পৰা যায় ৷
সেয়ে এনে ক্ষেত্ৰত বৰ্তমান সামাজিক মাধ্যমত খুবেই চৰ্চিত হোৱা ৬-৬-৬ ৰুটিন আপুনিও অনুসৰণ কৰি চাব পাৰে যিয়ে আপোনাক এটি সুস্থ শৰীৰ প্ৰদান কৰাৰ লগতে আপোনাৰ দেহৰ পৰা মেদবহুলতা, ডায়েবেটিছ আৰু উচ্চ ৰক্তচাপ আদি সাধাৰণ সমস্যা দূৰ কৰাৰ ক্ষেত্ৰতো অতিকৈ ফলপ্ৰসূ ৷ এই ৰুটিনে আপোনাৰ শাৰীৰিক স্বাস্থ্য উন্নত কৰাই নহয়, মানসিক শান্তি আৰু সামগ্ৰিক জীৱনশৈলী উন্নত কৰাতো সহায় কৰে ৷ এই ৰুটিনৰ সুফল আৰু ইয়াক আমাৰ দৈনন্দিন জীৱনত কেনেদৰে অন্তৰ্ভুক্ত কৰিব পাৰি জানো আহক-
৬-৬-৬ খোজ কঢ়াৰ ৰুটিন দৰাচলতে হয় কি ?
বিভিন্ন ধৰণৰ সক্ৰিয় ৰুটিন বৰ্তমানৰ যুৱক-যুৱতীসকলৰ মাজত যথেষ্ট জনপ্ৰিয় ৷ ইয়াৰ উপৰিও ইয়াত ৬-৬-৬ ৰুটিনে আমাৰ শৰীৰক সুস্থ কৰি ৰখাত সহায় কৰে ৷ এই ৰুটিনত ব্যক্তিজনে সাত দিনৰ পৰিৱৰ্তে সপ্তাহৰ ৬ দিনৰ বাবেহে খোজ কাঢ়িলে হয় ৷ কিন্তু, প্ৰতিদিনে ৬ কিলোমিটাৰ আৰু নিৰ্দিষ্ট সময়ত পুৱা ৬ বজাত এই খোজকঢ়াৰ অভ্যাসটো মানি চলাটো যোৱাটো বাঞ্ছনীয় ৷ খোজ কঢ়াৰ পূৰ্বে ৬০ মিনিট সম্পূৰ্ণ হোৱাৰ পূৰ্বে ৬ মিনিটৰ ৱাৰ্ম আপ আৰু কুল ডাউন কৰক ৷ ইয়াৰ ফলত সমগ্ৰ শৰীৰৰ ব্যায়াম হয় আৰু মেদবহুলতা আৰু অন্যান্য সমস্যা নিয়ন্ত্ৰণত থাকে ৷
৬-৬-৬ খোজ কঢ়াৰ ৰুটিনৰ উপকাৰিতা ?
হৃদযন্ত্ৰৰ স্বাস্থ্যৰ উন্নতি
নিয়মিত খোজ কঢ়াৰ ফলত হৃদযন্ত্ৰ শক্তিশালী হয় আৰু ৰক্ত সঞ্চালন উন্নত হয় ৷ ই হৃদৰোগ যেনে উচ্চ ৰক্তচাপ, ষ্ট্ৰোক আৰু...হাৰ্ট এটাকৰ আশংকা হ্ৰাস কৰাত সহায় কৰে ৷
মেদবহুলতা নিয়ন্ত্ৰণ কৰে
যদি আপুনি ওজন কমাব বিচাৰে তেন্তে এই ৰুটিন আপোনাৰ বাবে অতি উপকাৰী বুলি প্ৰমাণিত হ’ব পাৰে ৷ ৬ কিলোমিটাৰ খোজ কাঢ়িলে শৰীৰৰ অতিৰিক্ত কেলৰি বাৰ্ণ হোৱাৰ লগতে চৰ্বি কম কৰাৰ প্ৰক্ৰিয়া ক্ষীপ্ৰ হয় ৷