ইনচুলিনৰ এই ক্ষতিকাৰক দিশসমূহৰ বিষয়ে হয়তো আপুনিও জ্ঞাত নহয় - Insulin Hormone

Insulin Hormone: বহুতে ইনচুলিনৰ কাৰ্যৰ বিষয়ে অৱগত নহয়, ই আমাৰ শৰীৰৰ বাবে প্ৰয়োজনীয়, কিন্তু যদি ইয়াৰ পৰিমাণ যদি বৃদ্ধি পায় তেন্তে ই আমাৰ স্বাস্থ্যৰ ক্ষতিও কৰিব পাৰে । কিন্তু কেনেকৈ জানো আহক-

আপুনি নিশ্চয় বহুবাৰ ইনচুলিনৰ নাম শুনিছে, এইটোৱেই হৈছে সেই হৰম’ন যিটো ডায়েবেটিছৰ সৈতে ওতঃপ্ৰোতভাৱে জড়িত ৷ কিন্তু ইনচুলিনে আপোনাৰ বাবে কি কৰিব পাৰে জানেনে ? ডাঃ মনন ভোৰাই নিজৰ ইনষ্টাগ্ৰাম একাউণ্টত এটা ভিডিঅ’ৰ জৰিয়তে এই হৰম’নে আমাৰ বাবে কিমান সমস্যাৰ সৃষ্টি কৰিব পাৰে সেই কথা জানিবলৈ দিয়ে ৷

ইনচুলিনৰ বিপদ

ডাঃ মনন ভোহৰাই কয় যে, "আপোনাৰ শৰীৰত হঠাৎ ওজন বৃদ্ধি বা ওজন কমি যোৱা এটা হৰম'নৰ ফলত হয়, যিয়ে এটা সমস্যা সমাধান কৰি আন এটা সমস্যাৰ সৃষ্টি কৰে ৷ হয়, মই ইনচুলিনৰ কথাই কৈছোঁ ৷ ৰক্তশৰ্কৰাৰ মাত্ৰা নিয়ন্ত্ৰণ কৰে, কিন্তু ই চৰ্বি সংৰক্ষণতো প্ৰভাৱ পেলায় আৰু যেতিয়া শৰীৰত ইনচুলিনৰ মাত্ৰা বেছি হয়, তেতিয়া শৰীৰত চৰ্বিৰ পৰিমাণ বৃদ্ধি পায় ৷

ইনচুলিন বৃদ্ধিৰ কাৰণ

ইনচুলিনৰ মাত্ৰা অধিক হোৱাৰ বাবে ভোক বাঢ়ি যায় আৰু চেনিৰ প্ৰতি লোভো বাঢ়ি যায় ৷ কেৱল এয়াই নহয়, যদি এই হৰম’ন বাঢ়ি যায় তেতিয়া বহু ৰোগৰ আশংকাও উদ্ভৱ হয়, যেনে হৃদৰোগ, পিত্তথলীৰ সমস্যা আৰু উদ্বেগ আদি ৷ ইনচুলিন বৃদ্ধিৰ বহু কাৰণ হ’ব পাৰে, যেনে-

১/ ইনচুলিন প্ৰতিৰোধ ক্ষমতা

২/ ট্ৰাইগ্লিচাৰাইড

৩/উচ্চ ইউৰিক এচিড

৪/ ৰক্তচাপৰ অভিযোগ

৫/দীৰ্ঘম্যাদী মানসিক চাপ

৬/ টোপনিৰ অভাৱ

ইনচুলিনৰ মাত্ৰা কেনেকৈ হ্ৰাস কৰিব পাৰি ?

ডাঃ মনন ভোহৰাই কয় যে যদি কোনো কাৰণত আপোনাৰ ইনচুলিনৰ মাত্ৰা বৃদ্ধি পায়, তেন্তে ইয়াক হ্ৰাস কৰাৰ বাবে কিছুমান গুৰুত্বপূৰ্ণ পদক্ষেপ ল’ব পাৰি যেনে-

১) ওজন কমাব আৰু নিয়মীয়া ব্যায়ামৰ ওপৰত মনোনিৱেশ কৰক

২) প্ৰতিৰোধ প্ৰশিক্ষণত মনোনিৱেশ কৰক

৩) পৰ্যাপ্ত পৰিমাণে টোপনি লৈ মানসিক চাপ কমাব আৰু ধ্যান কৰিব ৷

Ref:- https://www.ncbi.nlm.nih.gov/pmc/articles/PMC10656111/

লগতে পঢ়ক:হৰম’নে আমাৰ শৰীৰত কেনেদৰে কাম কৰে ? ইয়াৰ অভাৱ বা অতিৰিক্ততা হ’ব পাৰে ক্ষতিকাৰক - Hormones