বলীউডৰ এইসকল তাৰকাই সংগীৰ সৈতে এনেদৰে উদযাপন কৰিলে ৰঙৰ উছৱ - Holi 2024

Holi 2024: সাধাৰণ জনতাৰ পৰা আৰম্ভ কৰি চিনেমা আৰু টিভিৰ তাৰকালৈকে এই মহোৎসৱ অতি আড়ম্বৰেৰে উদযাপন কৰে ৷ হোলীৰ এই উৎসৱৰ সৈতে বলীউডৰ গভীৰ সম্পৰ্ক আছে ৷ আজি হোলী উপলক্ষে বলীউডৰ অভিনেত্ৰী প্ৰীতি জিন্তাই স্বামী জিন গুডেনাফৰ সৈতে হোলী উদযাপনৰ কিছু ফটো শ্বেয়াৰ কৰিছে ৷

চিটাৰা ডেস্ক, 25 মাৰ্চ: ২৪ আৰু ২৫ মাৰ্চত সমগ্ৰ দেশ-বিদেশত উদযাপন কৰা হৈছে ৰঙৰ উৎসৱ হোলী ৷ প্ৰথম দিনা হোলিকা দাহন আৰু দ্বিতীয় দিনা হ’ব ৰঙৰ উছৱ হোলী বা ফাকুৱা ৷ প্ৰতিখন ৰাজ্যতে বিভিন্ন পৰম্পৰাৰে পালন কৰা হয় হোলী উৎসৱ ৷ প্ৰতি বছৰে ফাগুন মাহৰ পূৰ্ণিমা তিথিত হোলী উদযাপন কৰা হয় ৷ সাধাৰণ জনতাৰ পৰা আৰম্ভ কৰি চিনেমা আৰু টিভিৰ তাৰকালৈকে এই মহোৎসৱ অতি আড়ম্বৰেৰে উদযাপন কৰে ৷ হোলীৰ এই উৎসৱৰ সৈতেও বলীউডৰ গভীৰ সম্পৰ্ক আছে ৷ ইফালে, বলীউডৰ অভিনেত্ৰী প্ৰীতি জিন্তাই স্বামী জিন গুডেনাফৰ সৈতে হোলী উদযাপনৰ কিছু ফটো শ্বেয়াৰ কৰিছে ৷

ইয়াৰ উপৰিও প্ৰতি বছৰৰ দৰে এইবাৰো হোলী খেলে সোহা আলী খান আৰু কুনাল কেম্মুৱে ৷ আহকচোন এই তাৰকা সকলৰ হোলী উদযাপনৰ ওপৰত চকু ফুৰাওঁ ৷

প্ৰীতি জিন্তাৰ হোলী উদযাপন

বলীউডৰ ডিম্পল গাৰ্ল প্ৰীতি জিন্তাই হোলী খেলি ভাল পায় ৷ প্ৰতি বছৰে পৰিয়ালৰ সৈতে বহিঃৰাজ্যত বাস কৰা প্ৰীতি জিন্তাই হোলী উৎসৱ পালন কৰে ৷ ২৫ মাৰ্চত অভিনেত্ৰীগৰাকীয়ে নিজৰ ইনষ্টাগ্ৰামত বহু ছবি শ্বেয়াৰ কৰিছিল, য’ত তেওঁক স্বামী জিনৰ সৈতে হোলীৰ ৰঙৰ সাজ-পোছাক পৰিধান কৰা দেখা গৈছে ৷

এই ফটোৰে মৰমৰ বাৰ্তা লিখি অনুৰাগীলৈ তেওঁ হোলীৰ শুভেচ্ছা জনাইছে– হোলী উদযাপন কৰা সকলোকে শুভেচ্ছা জনাইছো ৷ এই ৰঙৰ উৎসৱে আপোনাৰ লগতে আপোনাৰ পৰিয়ালৰ বাবে সুখ আৰু শান্তি কঢ়িয়াই আনক ৷ উল্লেখ্য যে, অভিনেত্ৰী গৰাকীৰ ছবি পুৰণি হোলীৰ ৷

সোহা আলী খানৰ হোলী

প্ৰতিটো উৎসৱ অতি আড়ম্বৰপূৰ্ণভাৱে উদযাপন কৰা অভিনেত্ৰীসকলৰ ভিতৰত এগৰাকী হ’ল সোহা আলী খান ৷ অভিনেত্ৰীগৰাকীয়ে প্ৰতি বছৰে স্বামী-কন্যাৰ সৈতে মুকলিকৈ উপভোগ কৰে এই হোলী উৎসৱ ৷ এইবাৰো একেধৰণৰ তেওঁক ৰঙৰ উৎসৱ উদযাপন কৰা দেখিবলৈ পোৱা গ’ল ৷ কুনাল আৰু সোহাৰ এই ভিডিঅ'টো সম্প্ৰতি ভাইৰেল হৈ পৰিছে, য'ত স্বামী-স্ত্ৰী দুয়োকে হোলীৰ ৰঙেৰে ৰঙীন হৈ পৰা দেখিবলৈ পোৱা গৈছে ৷

ৰঙা-হালধীয়া হৈ পৰিল সিদ্ধাৰ্থ আৰু কিয়াৰা

বিবাহৰ পিছত এইবাৰ দ্বিতীয়টো হোলী উদযাপন কৰিছে কিয়াৰা আদৱানীয়ে । এনে পৰিস্থিতিত স্বামী সিদ্ধাৰ্থ মালহোত্ৰাৰ সৈতে হোলী উদযাপনৰ ফটো শ্বেয়াৰ কৰিছে অভিনেত্ৰীগৰাকীয়ে । ছবিখনত স্বামী সিদ্ধাৰ্থৰ সৈতে অভিনেত্ৰীগৰাকীক দেখা গৈছে । ৰঙা আৰু হালধীয়া ৰং গালত লগাই কিয়াৰা আৰু সিদ্ধাৰ্থই সকলোকে হোলীৰ শুভেচ্ছা জ্ঞাপন কৰিছে । পোষ্টটোৰ লগতে অভিনেত্ৰীগৰাকীয়ে এটা আকৰ্ষণীয় কেপচন দি লিখিছে, "মোৰ পৰিয়ালৰ সৈতে হোলী ।"

লগতে পঢ়ক:ছলমানৰ পৰা ইমৰাণ হাছমীলৈকে; বাবা ছিদ্দিকীৰ ইফটাৰ পাৰ্টিত তাৰকাৰ মেলা - Baba Siddique Iftar Party