চিটাৰা ডেস্ক, 10 ছেপ্টেম্বৰ : বিগত 8 ছেপ্টেম্বৰত প্ৰথমটি সন্তানৰ আশীৰ্বাদ লাভ কৰে তাৰকা দম্পতী দীপিকা পাডুকন আৰু ৰণবীৰ সিঙে । দীপিকাই এটি কন্যা সন্তান জন্ম দিয়ে ৷ অভিনেত্ৰীগৰাকীৰ ঘৰত এতিয়া কেৱল উখল-মাখল পৰিৱেশ । এইচ এন ৰিলায়েন্স ফাউণ্ডেশ্যন হাস্পতালত সন্তান জন্ম দিয়ে দীপিকাই ।
দীপিকা আৰু ৰণবীৰ এতিয়াও চিকিৎসালয়ত আছে আৰু আত্মীয়সকল তেওঁলোকক লগ কৰিবলৈ আহি আছে । তাৰ মাজতে যোৱা নিশা ৰিলায়েন্স ইণ্ডাষ্ট্ৰীজৰ স্বত্বাধিকাৰী মুকেশ আম্বানীয়ে চিকিৎসালয়ত উপস্থিত হৈ দীপিকা আৰু তেওঁৰ নৱজাত শিশুটিৰ স্বাস্থ্যৰ অৱস্থাৰ বিষয়ে সোধা-পোছা কৰে ।
- দীপিকা আৰু সন্তানৰ কাষত মুকেশ আম্বানী
মুকেশ আম্বানীক চিকিৎসালয়ৰ বাহিৰত তেওঁৰ গাড়ীত দেখা গৈছিল । ছ'চিয়েল মিডিয়াত ভাইৰেল হোৱা ভিডিঅ'টোত, আপোনালোকে মুকেশ আম্বানীক চিকিৎসালয়লৈ সোমাই যোৱা দেখিবলৈ পাব । দীপিকা পাডুকনে বিবাহৰ 6 বছৰৰ পিছত মাতৃত্বৰ সুখ লাভ কৰিছে ৷
ৰণবীৰ সিঙে 2018 চনত দীপিকা পাডুকনক ইটালীত নিজৰ কইনা হিচাপে তেওঁৰ পাণি গ্ৰহণ কৰিছিল । ৰণবীৰ আৰু দীপিকাই 2012 চনৰ পৰা ইজনে সিজনক ডেট কৰি আছিল । দুয়ো সঞ্জয় লীলা ভাঞ্চালীৰ ছবি গ’লিয়ো কি ৰাসলীলা ৰাম-লীলাত লগ পাইছিল । চলচ্চিত্ৰখনটো চুপাৰ হিট হৈছিলেই আৰু লগতে ৰণবীৰ দীপিকাও দীপবীৰ হিচাপে ছুপাৰহিট যুটি হৈ পৰে ।
- দীপিকা আৰু ৰণবীৰক অভিনন্দন
আলিয়া ভাট, প্ৰিয়ংকা চোপ্ৰা, কেটৰিণা কাইফ, পৰিণীতি চোপ্ৰাকে ধৰি বহু তাৰকাই দম্পতীটোক পিতৃ-মাতৃ হোৱাৰ বাবে অভিনন্দন জনাইছে । মুকেশ আম্বানীয়েও দীপিকা আৰু তেওঁৰ সন্তানৰ খবৰ লয় ।
দীপিকা গণেশ চতুৰ্থীৰ পিছদিনা মাতৃ হয় । ইয়াৰ পূৰ্বে ৰণবীৰ আৰু দীপিকাই মুম্বাইৰ সিদ্ধিবিনায়ক মন্দিৰ পৰিদৰ্শন কৰিছিল আৰু বাপ্পাৰ আশীৰ্বাদ লৈছিল আৰু পিছদিনা দীপিকা পাডুকন মাতৃ হৈছিল । কৰ্মক্ষেত্ৰৰ বিষয়ে ক'বলৈ গ'লে, দীপিকা পাডুকনক কল্কি 2898 এডি, ফাইটাৰ আৰু পাঠান চলচ্চিত্ৰত দেখা গৈছিল । এতিয়া দীপিকা পাডুকনক লেডী কপ ৰূপত সিংঘম এগেইন চলচ্চিত্ৰত দেখিবলৈ পোৱা যাব, ছবিখন 2024 চনৰ ডিচেম্বৰত মুক্তি পাব ।
লগতে পঢ়ক :পিতৃ-মাতৃ হ’ল ৰণবীৰ-দীপিকা - Ranveer Deepika Baby Girl
