চিটাৰা ডেস্ক, ৫ মাৰ্চ: ‘দ্য কেৰালা ষ্ট’ৰী’ৰ নিৰ্মাতাসকলে পুনৰবাৰ লৈ আহিছে এখন নতুন ছবি । যাৰ নাম ‘বস্তৰ-দ্য নক্সাল ষ্ট’ৰী’ । আজি মুক্তি পালে বিপুল অমৃতলাল শ্বাহ, সুদীপ্ত সেন আৰু অদা শৰ্মাৰ পৰৱৰ্তী ছবি ‘বস্তৰ-দ্য নক্সাল ষ্ট’ৰী’ৰ ট্ৰেইলাৰ । ২০২৪ চনৰ ১৫ মাৰ্চত ছবিগৃহত মুক্তি পাব ছবিখন ।
সুদীপ্ত সেন পৰিচালিত ‘বস্তৰ-দ্য নক্সাল ষ্ট’ৰী’ৰ ছবিখনত পুনৰবাৰ মুখ্য চৰিত্ৰত অভিনয় কৰিছে অদা শৰ্মাই । ‘The Kerala Story’ৰ পিচত পুনৰবাৰ দেশ, বিপদ আৰু বাস্তৱ কাহিনীৰ পৰা অনুপ্ৰাণিত কাহিনী এটা লৈ আহিছে নিৰ্মাতাসকলে । য’ত অদা শৰ্মাক প্ৰতিৰক্ষা বাহিনীৰ সাজ পৰিধান কৰি মাওবাদীৰ সৈতে যুঁজ দিয়া দেখা যায় ।
কি আছে ট্ৰেইলাৰত ?
নক্সালবাদীয়ে চি আৰ পি এফৰ জোৱানক হত্যা কৰাৰ হৃদয়বিদাৰক দৃশ্য দেখুওৱা হৈছে ট্ৰেইলাৰত, ইয়াৰ উপৰিও দেখুওৱা হৈছে যে কেনেকৈ একাংশ লোকে দেশৰ জোৱানৰ মৃত্যু উদযাপন কৰিছে । এফালে কিছুমান শিশুক কেৱল জাতীয় সংগীত গাই থকাৰ বাবেই হত্যা কৰা হয় ।