চুলিত জটা, শৰীৰত ভস্ম, মলিয়ন পোছাক... কল্কিত অশ্বত্থামাৰ আবিৰ্ভাৱ - Amitabh Bachchan Kalki 2898AD

KALKI 2898AD : ইতিহাস দোহাৰে... কল্কি যুগত আবিৰ্ভাৱ ঘটিল দ্ৰোণাচাৰ্যৰ পুত্ৰ অশ্বত্থমাৰ ৷ চুলিত জটা, শৰীৰত ভস্ম, মলিয়ন পোছাক, শেতা চকু, শোতোৰা শোতোৰ ছাল, চকুত সেই একেই উত্তাপ লৈ আহি আছে অশ্বত্থমা...

চিটাৰা ডেস্ক, 22 এপ্ৰিল :"দ্বাপৰ যুগৰ পৰা মই এই ক্ষণলৈ অপেক্ষা কৰিছিলো ৷ মই দ্ৰোণাচাৰ্যৰ পুত্ৰ... মই অশ্বত্থমা ৷" এটা 21 ছেকেণ্ডৰ টীজাৰে খলকনি লগাইছে সামাজিক মাধ্য়মত ৷

অচিৰেই আহি আছে বহুপ্ৰত্যাশিত ছবিকল্কি ২৮৯৮ এডি ৷ছবিখনৰ চৰ্চা চলি থকাৰ মাজতে এইবাৰ পোহৰলৈ আহিছে বিগ বি অমিতাভ বচ্চনৰ ফাৰ্ষ্ট লুক ৷ অশ্বত্থমাৰ চৰিত্ৰত দেখা গৈছে অভিনেতাগৰাকীক ৷ মেগাষ্টাৰগৰাকীৰ ফাৰ্ষ্ট লুকে দৰ্শকক ছবিখনৰ বাবে অধিক উৎসাহিত কৰি তুলিছে ৷

এই 21 ছেকেণ্ডৰ প্ৰম’ ভিডিঅ'টোত এটা গুহাৰ ভিতৰত মলিয়ন পোছাক পিন্ধি অমিতাভ বচ্চনে শিৱৰ লিংগত পূজা কৰি থাকে ৷ তেনেতে এটা এটা শিশুৰ কণ্ঠই তেওঁক প্ৰশ্ন কৰা শুনা যায়, ‘‘আপুনি মৰিব নোৱাৰে নেকি ? আপুনি ঐশ্বৰিক নেকি ? আপুনি কোন ?’’ প্ৰত্যুত্তৰত বিগ বিয়ে কয়, ‘‘মই দ্বাপৰ যুগৰ পৰা এই অৱতাৰৰ আগমনৰ বাবে অপেক্ষা কৰি আছো ৷ মই গুৰু দ্ৰোণাচাৰ্যৰ পুত্ৰ ৷ মই অশ্বত্থামা ৷’’

এই টীজাৰটোৰ পূৰ্বে কল্কি ২৮৯৮ এডিৰ দলটোৱে বিগ বিৰ অশ্বত্থমা চৰিত্ৰটোৰ এখন পোষ্টাৰ শ্বেয়াৰ কৰিছিল আৰু লিখিছিল, ‘‘তেওঁ কোন সেয়া জনাৰ সময় আহি পালে ৷’’

কল্কি 2898 এডিক বছৰটোৰ আটাইতকৈ বহু প্ৰত্যাশিত ছবিৰ ভিতৰত অন্যতন । এই চলচ্চিত্ৰখন মহাভাৰতৰ পৰা আৰম্ভ হৈ 2898 চনত শেষ হয় । সেইবাবেই ছবিখন কল্কি 2898 নামেৰে নামকৰণ হৈছে ৷ এই ছবিখনত 6000 বছৰলৈকে জীৱন বৃত্তান্ত দেখুওৱা হৈছে ৷

এই ছবিখনে এতিয়া দৰ্শকক এতিয়া অধিক উৎসুক কৰি তুলিছে ৷ ছবিখন মুক্তিৰ বাবে দৰ্শকে এতিয়া অধীৰ আগ্ৰহেৰে অপেক্ষা কৰিছে ৷

লগতে পঢ়ক :মুক্তিৰ পূৰ্বেই 200 কোটি টকা কেনেকৈ উপাৰ্জন কৰিলে এইখন ছবিয়ে ? - Pushpa 2 The Rule