নৰেন্দ্ৰ মোদীৰ মনোনয়নৰ সময়ত কাষতে থকা ব্যক্তিগৰাকী কোন ? - lok sabha election 2024

Narendra Modi Nomination Event : প্ৰধানমন্ত্ৰী মোদীয়ে লোকসভা নিৰ্বাচনৰ বাবে মঙলবাৰে মনোনয়ন দাখিল কৰে । তেওঁৰ মনোনয়ন প্ৰক্ৰিয়াৰ সময়ছোৱাত এজন দাঢ়ি থকা বৃদ্ধ ব্ৰাহ্মণৰ সৈতে কথা পাতি থকা দেখা গৈছে । কেৱল সেয়াই নহয়, সমগ্ৰ প্ৰক্ৰিয়াটোত ব্ৰাহ্মণগৰাকী মোদীৰ কাষত বহি আছিল আৰু মোদীকো তেওঁৰ সৈতে সন্মানেৰে কথা পাতি থকা দেখা গৈছিল । কিন্তু এই ব্যক্তিজন কোন ? কিয় প্ৰধানমন্ত্ৰী নৰেন্দ্ৰ মোদীয়ে তেওঁৰ সৈতে ইমান ঘনিষ্ঠভাৱে কিয় কথা পাতি আছিল ?

নিউজ ডেস্ক, ১৪ মে' : মঙলবাৰে প্ৰধানমন্ত্ৰী নৰেন্দ্ৰ মোদীয়ে বাৰাণসীৰ পৰা তৃতীয়বাৰৰ বাবে মনোনয়ন পত্ৰ দাখিল কৰে । প্ৰধানমন্ত্ৰী নৰেন্দ্ৰ মোদী বিশ্বাস আৰু ধৰ্মৰ প্ৰতি যথেষ্ট সচেতন । এইবাৰ প্ৰধানমন্ত্ৰীয়ে তেওঁৰ মনোনয়নৰ বাবে বাছনি কৰা চাৰিগৰাকী প্ৰস্তাৱকৰ ভিতৰত এগৰাকী হৈছে প্ৰখ্যাত জ্যোতিষী তথা গাণিতিক বিশেষজ্ঞ গণেশ্বৰ শাস্ত্ৰী দ্ৰাবিড় ।

জ্যোতিষী গণেশ্বৰ শাস্ত্ৰী দ্ৰাবিড় হৈছে সেইগৰাকী ব্যক্তি, যিয়ে অযোধ্যাৰ ৰামলালা মন্দিৰৰ ভূমি পূজন আৰু শিলা পূজন কৰাৰ লগতে ৰাম মন্দিৰৰ বিশাল উদ্বোধনৰ সময়ো গণনা কৰিছিল । প্ৰধানমন্ত্ৰী মোদীৰ মনোনয়নৰ সময়ছোৱাত গণেশ্বৰ শাস্ত্ৰী দ্ৰাবিড়ক প্ৰধানমন্ত্ৰীৰ কাষত দেখা যায় ।

প্ৰধানমন্ত্ৰীয়ে মঙলবাৰে দিনৰ ১১.৫৫ বজাত মনোনয়ন দাখিল কৰে । এই মুহূৰ্তটোও গণেশ্বৰ শাস্ত্ৰী দ্ৰাবিড়ে গণনা কৰি উলিয়াইছিল । উল্লেখ্য যে বাৰাণসীৰ গণেশ্বৰ শাস্ত্ৰী দ্ৰাবিড়ৰ জ্যোতিষ আৰু বেদ-বেদাংগৰ বিশ্বত যথেষ্ট সুনাম আছে ।

মনোনয়ন দাখিলৰ সময়ত মোদীৰ সৈতে গণেশ্বৰ শাস্ত্ৰী দ্ৰাবিড় (ETV Bharat)

জগতগুৰু ৰামানন্দচাৰ্য বঁটা লাভ কৰা গণেশ্বৰ শাস্ত্ৰী দ্ৰাবিড়ৰ পৰিয়ালে দীৰ্ঘদিন ধৰি কাশীত বাস কৰি আহিছে । মূলত দক্ষিণ ভাৰতৰ যদিও গণেশ্বৰ শাস্ত্ৰী দ্ৰাবিড়ে ৰামঘাট অঞ্চলৰ গংগাৰ পাৰত থকা এখন সংস্কৃত বিদ্যালয়তে বাস কৰে ।

এই বিদ্যালয়খনো তেওঁৰ প্ৰপিতামহৰ দ্বাৰা নিৰ্মাণ কৰা হৈছিল । শাস্ত্ৰীৰ সৈতে তেওঁৰ ভাতৃ পণ্ডিত বিশ্বেশ্বৰ শাস্ত্ৰীও আছে । তেৱোঁ এগৰাকী পণ্ডিত । গণেশ্বৰ শাস্ত্ৰীৰ গ্ৰহ-নক্ষত্ৰ বিচাৰৰ সৈতে জ্যোতিষশাস্ত্ৰৰ যথেষ্ট জ্ঞান আছে । তেওঁৰ দ্বাৰা ডাঙৰ মুহূৰ্তও গণনা কৰা হয় ।

আচাৰ্য গণেশ্বৰ শাস্ত্ৰীৰ জন্ম ১৯৫৮ চনৰ ৯ ডিচেম্বৰত কাশীৰ ৰামনগৰত হৈছিল । তেওঁ ৰামঘাটিস্থিত চাংনা বেদ স্কুলত শিশুসকলক সংস্কৃতৰ শিক্ষা প্ৰদান কৰে । তেওঁৰ পিতৃ হৈছে আচাৰ্য ৰাজেশ্বৰ শাস্ত্ৰী দ্ৰাবিড় আৰু তেওঁক পণ্ডিতৰাজ উপাধিৰ লগতে মুখ্য অসামৰিক সন্মান পদ্মভূষণ বঁটাও প্ৰদান কৰা হৈছিল ।

আচাৰ্য গণেশ্বৰ শাস্ত্ৰী দ্ৰাবিড়ক কাশীত যথেষ্ট সন্মান কৰা হয় । কাৰণ তেওঁ সকলো সময়তে খালি ভৰিৰে খোজকাঢ়ে আৰু কঠোৰ নিয়ম অনুসৰণ কৰে । লগতে তেওঁ এতিয়াও প্ৰাচীন সংস্কৃতি অনুসৰি জীয়াই থাকে । আনহাতে, গণেশ্বৰ শাস্ত্ৰী দ্ৰাবিড়ৰ ওচৰত আজিও মোবাইল ফোন নাই বা তেওঁ ডিজিটেল পৃথিৱীৰ সৈতে সংযুক্ত হৈ নাথাকে ।

লগতে পঢ়ক :আজি প্ৰধানমন্ত্ৰী নৰেন্দ্ৰ মোদীয়ে দাখিল কৰিব মনোনয়ন - PM Modi Nomination