মাতৃৰ মৃতদেহৰ সৈতে পাঁচদিন একেলগে থাকিল পুত্ৰ

পাঁচ দিন আগতে মৃত্যু হৈছিল এগৰাকী মহিলাৰ । কি কাৰণে মৃতদেহৰ ওচৰত শুই আছিল পুত্ৰ ? জানিবলৈ পঢ়ক...

হাওৰা: পশ্চিমবংগৰ হাওৰাত সংঘটিত হৈছে এক হৃদয় বিদাৰক ঘটনা । মাতৃৰ মৃতদেহৰ ওচৰত পাঁচ দিন শুই থাকিল পুত্ৰই । কোনোৱেই এই বিষয়ে জানিব পৰা নাছিল । মহিলাগৰাকীয়ে বাস কৰা ঘৰটোৰ পৰা দুৰ্গন্ধ ওলোৱাতহে স্থানীয় ৰাইজে এই বিষয়ে জানিব পাৰে ।

এজন পুত্ৰই তেওঁৰ মাতৃৰ মৃতদেহৰ সৈতে পাঁচ দিন একেলগে থকাৰ ঘটনা সংঘটিত হৈছে । এই ঘটনাটো ঘটিছে হাওৰাৰ বাল্টিকুৰিৰ জালেপাৰাত । সোমবাৰে ঘৰটোৰ পৰা দুৰ্গন্ধ ওলোৱাত চুবুৰীয়াৰ মনত সন্দেহ ওপজাত এই বিষয়ে আৰক্ষীক অৱগত কৰে । স্থানীয় ৰাইজে দাসনগৰ আৰক্ষী থানাক এই বিষয়ে অৱগত কৰাত আৰক্ষী ঘটনাস্থলীত উপস্থিত হয় ।

এই সন্দৰ্ভত আৰক্ষীয়ে সদৰী কৰা মতে মৃত মহিলাগৰাকী ৰসমণি নন্দী বুলি চিনাক্ত কৰা হৈছিল । মহিলাগৰাকীৰ পুত্ৰ সুৰজ নন্দী মানসিকভাৱে ভাৰসাম্য়হীন বুলি আৰক্ষীয়ে কয় । মাতৃ আৰু পুত্ৰ দুয়ো একেটা ঠাইতে বাস কৰিছিল । ৰাসমণি দীৰ্ঘদিন ধৰি অসুস্থ হৈ আছিল । দুৰ্গন্ধৰ উপৰি ঘৰৰ খিৰিকী আৰু দুৱাৰ বন্ধ হৈ থকাত চুবুৰীয়াসকলে এই বিষয়ে মৃতকৰ আত্মীয়সকলৰ লগতে আৰক্ষীক অৱগত কৰে । যেতিয়া পুলিচে প্ৰৱেশ কৰিবলৈ দুৱাৰখন ভাঙি পেলায় তেওঁলোক হতবাক হৈ পৰে ।

সেই সময়ত ৰসমণিৰ মৃতদেহ বিচনাত পৰি থকা অৱস্থাত পোৱা গৈছিল । পুত্ৰ সুৰজ নন্দীক তেওঁৰ ওচৰত পৰি থকা অৱস্থাত আৰক্ষীয়ে প্ৰত্য়ক্ষ কৰে । ইয়াৰ পিচত আৰক্ষীয়ে মৃতদেহটো মৰণোত্তৰ পৰীক্ষাৰ বাবে প্ৰেৰণ কৰে । আৰক্ষীয়ে জনোৱা অনুসৰি, ৰসমণিৰ পাঁচ দিন আগতে মৃত্যু হৈছিল আৰু তেতিয়াৰ পৰাই তেওঁৰ পুত্ৰই মৃতদেহটোৰ সৈতে বাস কৰি আছে । স্থানীয় বাসিন্দাসকলে এই সন্দৰ্ভত কয় যে মাতৃ আৰু পুত্ৰক কেইদিনমানৰ পৰা দেখা পোৱা নাছিল আৰু ঘৰটো বন্ধ আছিল । এই সময়ছোৱাত অসুস্থ মাতৃৰ মৃত্যু হোৱা বুলি সন্দেহ কৰা হৈছে ।

লগতে পঢ়ক:কুম্ভমেলাৰ পৰা ওভতাৰ পথত ভয়ংকৰ দুৰ্ঘটনা; বাছ-ট্ৰাকৰ সংঘৰ্ষত নিহত ৭ - JABALPUR TRAGIC ACCIDENT