নেশ্যনেল ডেস্ক, 11 মে’ : যৌন নিৰ্যাতন গোচৰৰ সৈতে জড়িত থকাৰ অভিযাগত বিজেপি নেতা তথা অধিবক্তা দেৱৰাজে গৌড়াক চিত্ৰদুৰ্গৰ হিৰিউৰৰ কে আৰ হাল্লী গেটৰ সমীপত আৰক্ষীয়ে আটক কৰিছে ।
উল্লেখ্য যে, 1 এপ্ৰিলত এগৰাকী মহিলাই যৌন নিৰ্যাতন আৰু ভাবুকি দিয়াৰ অভিযোগ উত্থাপন কৰি দেৱৰাজে গৌড়াৰ বিৰুদ্ধে হোলেনাৰসীপুৰ থানাত এজাহাৰ দাখিল কৰিছিল । অধিবক্তা দেৱৰাজে গৌড়াক আৰক্ষীয়ে আটক কৰি উক্ত অভিযোগ সন্দৰ্ভত জেৰা অব্যাহত ৰাখিছে ।
শুকুৰবাৰৰ নিশা হাছান আৰক্ষীৰ তথ্যৰ ভিত্তিত হিৰিউৰ আৰক্ষীয়ে আটক কৰে দেৱৰাজে গৌড়াক । দেৱৰাজে গৌড়াক হিৰিউৰ থানালৈ লৈ যোৱা হৈছে আৰু হাছান আৰক্ষীক গতাই দিয়া হ’ব ।
দেৱৰাজে গৌড়াই ইনোভা গাড়ীৰে যাত্ৰা কৰিছিল :
দেৱৰাজে গৌড়াই বেগ লৈ ইনোভা গাড়ীৰে গৈ থকা অৱস্থাতে আৰক্ষীয়ে কৰায়ত্ত কৰিবলৈ সক্ষম হৈছে । হাছান জিলাৰ হোলেনাৰসীপুৰ থানাত 1 এপ্ৰিলৰ দিনা ভুক্তভোগীয়ে দাখিল কৰা অভিযোগ অনুসৰি অভিযুক্ত দেৱৰাজে গৌড়াই ছাইটটো বিক্ৰী কৰাত সহায় কৰাৰ অজুহাত দেখুৱায় তেওঁক যৌন আতিশয্য চলোৱাৰ অভিযোগ তুলিছে ৷
ইয়াৰ লগতে ফটোসমূহ ছ’চিয়েল মিডিয়াত পোষ্ট কৰাৰ ভাবুকিও প্ৰদান কৰিছে যদিহে মহিলাগৰাকীয়ে তেওঁৰ কথা নামানে । বৰ্তমান জনতা দল চেকুলাৰৰ পৰা নিলম্বিত নেতা প্ৰজ্বল ৰেভানাৰ কিছুমান বিতৰ্কিত ভিডিঅ' ভাইৰেল হৈ পৰিছে । হাছানৰ সাংসদ প্ৰজ্বল ৰেৱন্নাৰ যৌন নিৰ্যাতন সম্বন্ধীয় বিতৰ্কিত পেন ড্ৰাইভ ভাইৰেল কৰা অভিযোগৰো সন্মুখীন হৈছে বিজেপি নেতা তথা অধিবক্তা দেৱৰাজে গৌড়া ৷ ৰাজ্য চৰকাৰে উক্ত ঘটনাটো তদন্তৰ বাবে এছআইটি গঠন কৰিছে । মঙলবাৰে ৰেৱন্নাক দলৰ পৰা নিলম্বন কৰা হয় ।
লগতে পঢ়ক:যৌন নিৰ্যাতনৰ অভিযোগ, দলৰ পৰা নিলম্বিত প্ৰাক্তন প্ৰধানমন্ত্ৰীৰ নাতি - Prajwal Revanna Suspension
