حیدرآباد: اگر آپ چاہتے ہیں کہ آپ کا جسم صحیح طریقے سے کام کرے، تو دماغ کا صحت مند ہونا بہت ضروری ہے۔ دماغ ہمارے پورے جسم کو چلانے میں اہم کردار ادا کرتا ہے۔ تاہم جس طرح سے انسان کا جسم بوڑھا ہوتا ہے ٹھیک اسی طرح سے دماغ بھی وقت کے ساتھ بوڑھا ہونے لگتا ہے۔ دماغ کے بوڑھا ہونے کی ایک بڑی وجہ آپ کی عمر میں اضافہ ہونا ہے۔ لیکن اگر آپ کا دماغ جسم سے پہلے بوڑھا ہونے لگے تو اس کے پیچھے کئی وجوہات ہوسکتے ہیں۔
جس میں خراب طرز زندگی، صحت بخش غذا نہ لینا، یہ سب چیزیں آپ کے دماغ کو وقت سے پہلے بوڑھا کرسکتا ہے۔ اس لیے اگر آپ چاہتے ہیں کہ آپ کا دماغ وقت سے پہلے بوڑھا نہ ہو، تو ضروری ہے کہ آپ اپنی کچھ عادتوں میں تبدیلی کریں۔ تو آئیے اس مضمون کے ذریعے کچھ چیزوں پر نظر ڈالتے ہیں جس کی وجہ سے آپ کا دماغ وقت سے پہلے بوڑھا ہورہا ہے۔
خراب طرز زندگی: ان لوگوں کا دماغ وقت سے پہلے بوڑھا ہونا شروع ہو جاتا ہے جو اپنا پورا وقت ورزش کرنے کے بجائے صوفے پر بیٹھ کر گزار دیتے ہیں۔ اس کا برا اثر آپ کی مجموعی صحت پر بھی پڑتا ہے۔ اس کی وجہ سے آپ کو آہستہ آہستہ بہت سی بیماریاں ہونے لگتی ہیں اور آپ کا دماغ بھی تیزی سے بوڑھا ہونے لگتا ہے۔
الکحل کا زیادہ استعمال: کئی مطالعات میں یہ بات سامنے آئی ہے کہ جو لوگ روزانہ شراب نہیں پیتے ہیں بلکہ کسی ایک دن ضرورت سے زیادہ شراب پی لیتے ہیں تو ان کا دماغ بھی تیزی سے بوڑھا ہونے لگتا ہے۔ ضرورت سے زیادہ شراب کا استعمال کرنے سے دماغی خلیات کو شدید نقصان پہنچتا ہے۔
تمباکو نوشی: بہت زیادہ تمباکو نوشی آپ کی دماغی صحت کو متاثر کرتا ہے۔ 2010 کی ایک تحقیق کے مطابق جو لوگ بہت زیادہ سگریٹ نوشی کرتے ہیں ان میں الزائمر کی بیماری کا خطرہ عام لوگوں کے مقابلے دوگنا ہوتا ہے۔
شکر والی چیزوں کا استعمال: ہارورڈ یونیورسٹی کے مطابق چینی کا زیادہ استعمال آپ کے دماغ کو چھوٹا کرسکتا ہے۔ اس کی وجہ سے دماغ میں جانے والی خون کا بہاؤ بھی کم ہوسکتا ہے۔ جب خون کی صحیح مقدار دماغ تک نہیں پہنچے گی تو آپ کو برین اسٹروک وغیرہ جیسی کئی بیماریوں کا سامنا کرنا پڑ سکتا ہے۔
نیند کی کمی: جو لوگ روزانہ 7 تا 8 گھنٹے سے کم نیند لیتے ہیں، ان کا دماغ بھی وقت سے پہلے بوڑھا ہونے لگتا ہے۔ اس کے ساتھ ہی اس کا اثر آپ کے جسم پر جلدی نظر آنے لگتا ہے۔ کم نیند کی وجہ سے تناؤ کی سطح میں بھی اضافہ ہوتا ہے۔
صحت بخش غذا نہ لینا: اگر آپ اپنی خوراک میں صحت بخش غذا کو شامل نہیں کرتے ہیں تو آپ کا دماغ بہت تیزی سے بوڑھا ہونے لگتا ہے۔ پالک جیسی ہری سبزیاں، گوبھی جیسی سبزیاں آپ کی مجموعی صحت کے لیے اور خاص طور پر دماغ کے لیے بہت فائدہ مند ہوتی ہیں۔
مزید پڑھیں:
آن لائن بہت زیادہ وقت گزارنا: پچھلے کچھ سالوں میں لوگوں کے اسکرین ٹائم میں کافی اضافہ ہوا ہے۔ ایجنگ اینڈ میکانزم آف ڈیزیز میں شائع ہونے والی ایک تحقیق کے مطابق کمپیوٹر اور اسمارٹ فونز سے خارج ہونے والی نیلی روشنی نہ صرف ہماری آنکھوں اور جلد کو متاثر کرتی ہے بلکہ ہمارے دماغ کو بھی متاثر کرتی ہے۔ نیلی روشنی دماغ اور آنکھوں کے خلیوں کو نقصان پہنچاتی ہے۔
