بالوں کو قدرتی طور پر صحت مند اور خوبصورت رکھنے کے لیے دیکھ بھال بہت ضروری ہے۔ اس کے لیے تغذیہ سے بھرپور خوراک کا لینا اہم ہے۔ اتراکھنڈ کی ماہر امراض جلد ڈاکٹر آشا سکلانی بتاتی ہیں کہ موسم، عمر، بیماریاں، خراب طرز زندگی سمیت بہت سے عوامل ہیں جو صحت کو متاثر کرتے ہیں۔ ان سب کا اثر بالوں پر بھی پڑتا ہے اور وہ خشک، بے جان، کمزور نظر آنے لگتے ہیں۔ Nutritious diet is essential for healthy hair
اس کے علاوہ آج کل بہت سے لوگ بالوں کو خوبصورت بنانے کے لیے کئی طرح کے ادویات کا اسستعمال کرتے ہیں۔ یہ ادویات وقتی طور پر بالوں کو چمکدار اور خوبصورت تو بنا دیتے ہیں لیکن ان کا اثر بالوں پر زیادہ دیر تک نہیں رہتا۔ ساتھ ہی یہ بالوں کو بھی کافی نقصان پہنچاتے ہیں۔ لیکن اگر بال قدرتی طور پر صحت مند اور مضبوط ہوں تو وہ بغیر کسی علاج کے ہمیشہ خوبصورت، صحت مند اور مضبوط نظر آتے ہیں۔ اس کے ساتھ ان پر بیماری، موسم، آلودگی اور عمر کا اثر دیر سے ہوتا ہے۔
بالوں کی دیکھ بھال کے حوالے سے ڈاکٹر آشا سکلانی کہتی ہیں کہ قدرتی طور پر بالوں کو صحت مند اور مضبوط رکھنے کے لیے تغذیہ سے بھرپور غذا کا استعمال کرنے کے ساتھ ساتھ صحت مند طرز زندگی پر عمل کرنا ضروری ہے۔ روزمرہ کی خوراک میں مطلوبہ مقدار میں پھل، سبزیاں، خشک اناج اور خشک میوہ جات کو کھانے میں شامل کرنا اور اچھی نیند لینا جسم کے تمام نظاموں کو صحت مند اور تندرست رکھنے میں مددگار ثابت ہوتا ہے۔ جس سے کئی طرح کے فائدے حاصل ہوتے ہیں۔
ڈاکٹر آشا سکلانی کے مطابق خوراک سے ملنے والی غذائیت بالوں کو بڑھاتی ہے، ان کی جڑوں کو مضبوط کرتی ہے، بیماریوں سے بچاتی ہے، جو بالوں کے گرنے اور پتلے ہونے کا باعث بنتی ہیں۔ وہ بتاتی ہیں کہ جو غذائی اجزاء بالوں کی صحت کو برقرار رکھنے میں کلیدی کردار ادا کرتے ہیں ان میں وٹامن A-B-C-E اور پروٹین، آئرن، کیلشیم، کاپر زنک شامل ہیں۔
مزید پڑھیں:
وہیں ڈاکٹر دیویا کہتی ہیں کہ ان سب کے علاوہ کچھ اور غذائی اجزاء بھی ہیں جو بالوں کو صحت مند رکھنے میں مددگار ثابت ہوتے ہیں۔ بالوں کو صحت مند رکھنے کے لیے ضروری مقدار میں پانی کا استعمال بھی فائدہ مند ہے۔ بعض اوقات میں صرف خوراک سے جسم کو مطلوبہ تغذیہ نہیں مل پاتی ہے، تو ایسے میں ڈاکٹر سے مشورہ کرکے ضروری سپلیمنٹس بھی لیے جاسکتے ہیں۔ Nutritious diet is essential for healthy hair
ڈاکٹر آشا کا کہنا ہے کہ تغذیہ سے بھرپور خوراک کے ساتھ ہی بالوں کا خیال رکھنا بھی ضروری ہے۔ ہفتے میں کم از کم دو بار ہلکے گرم تیل سے بالوں کی مالش کریں، وقفے وقفے پر اچھے معیار کے شیمپو سے بالوں کو دھوئیں، کبھی کبھی بالوں کی پرورش کے لیے انڈے، آملہ، دہی، ملتانی مٹی سے بالوں کی مالش کریں۔ اس سب کے باوجود اگر بالوں میں کسی بھی قسم کے علامات نظر نہیں آئیں تو فوراً ڈاکٹر سے رابطہ کریں۔
