حیدرآباد: لوہڑی تہوار کے موقع پر گھروں میں کئی طرح کے پکوان بنائے جاتے ہیں، جس میں ایک اُڑد دال کی کچوری سب سے مشہور اور دائقہ دار پکوان ہے۔ لوہڑی کے موقع پر اُڑد دال کی کچوری کا مزہ ہر کوئی لینا چاہتا ہے۔ اور سب سے خاص بات یہ ہے کہ آپ ان کچوریوں کو 2 سے 3 دن تک کھا سکتے ہیں، یہ جلدی خراب نہیں ہوتیں۔ اڑد کی دال سے بنی کچوریاں مکر سنکرانتی اور لوہڑی پر خوب کھائی جاتی ہیں۔ اور اسے بنانا بھی آسان ہے۔ تو آئیے اس مضمون کے ذریعے جانتے ہیں کہ اُڑد دال کی کچوری بنانے کا صحیح طریقہ کیا ہے۔
دال کچوری میں لگنے والا اجزاء:
50 گرام اُڑد کی دال، 1 گلاس پانی، دال بھگونے کے لیے 3-4 چمچ ریفائنڈ تیل، ¼ چائے کا چمچ ہینگ، 2 ہری مرچ، 1 چائے کا چمچ ہرا دھنیا، 3 کپ آٹا، 1 عدد پسی ہوئی کالی مرچ، 2 چمچ سونف کا پاؤڈر، تلنے کے لیے تیل-
اُڑد دال کی کچوری بنانے کے لیے پہلے اُڑد کی دال کو رات بھر پانی میں بھگو دیں۔ صبح آپ دیکھیں گے کہ دال کافی حد تک بھیگ چکی ہے۔ دال سے پانی کو نکال کر مکسچر میں ڈال کر موٹے موٹے پیس لیں۔ پیسٹ نہ بنائیں۔ اب گیس پر کڑھائی کو رکھیں۔ اس میں 3-4 چمچ ریفائنڈ تیل ڈال کر گرم کریں۔ پھر تیل میں ¼ عدد ہینگ ڈالیں اور پکائیں۔ اس کے بعد کڑھائی میں پسی ہوئی دال ڈال دیں۔ اڑد کی دال میں ہینگ ضرور ڈالیں کیونکہ یہ پیٹ میں گیس بننے سے روکتی ہے۔
دال کو کڑھائی میں ہلاتے رہیں۔ پھر اس میں 1 عدد پسی ہوئی کالی مرچ، 2 کھانے کے چمچ سونف کا پاؤڈر ڈال کر اچھی طرح سے مکس کرلیں۔ اگر دال گیلی نظر آئے تو اسے پین میں خشک کرلیں۔ پھر نمک ڈالیں، اور 5 منٹ تک بھونیں۔ اس کے بعد دال میں کٹا ہوا دھنیا اور ہری مرچیں ڈال کر اتر دیں۔
اب دال کچوری کے لیے تیار ہے، اب آپ کو کچوریوں کے لیے آٹا بنانا ہے۔ آٹا بنانے کے لیے ایک بڑا برتن لیں اس میں 3 کپ میدہ ڈالیں۔ اور آدھی چائے کی چمچ نمک اور آدھی چائے کی چمچ اجوائن ڈال کر ہاتھوں سے ملائیں۔ اب اس میں ایک کھانے کا چمچ ریفائنڈ آئل ڈال کر مکس کریں اور پانی کی مدد سے آٹا گوندھ لیں۔
مزید پڑھیں:
آٹے کو 15 منٹ سیٹ ہونے کے لیے چھوڑ دیں۔ اس کے بعد آٹے سے ایک چھوٹا سا لوئی توڑ کر رولنگ پن کی مدد سے تھوڑا پھیلا دیں اور پھر اس میں 1 چمچ دال بھر کر کچوریاں بیل لیں۔ ایک پین میں تیل گرم کریں اور اسے فرائی کریں۔ فرائی ہونے کے بعد آپ کی دال کچوری تیار ہوگئی ہے۔ اب آپ بیٹھ کر مزے سے کھائیں۔
