حیدرآباد: خشک انجیر ذائقے میں میٹھی ہوتی ہے، تاہم کھانے میں نرم اور چبانے والے ہوتے ہیں۔ انجیر میں چکنائی اور کولیسٹرول بہت کم ہوتا ہے، اس کے علاوہ اس میں بہت کم سوڈیم، فائبر، کاربوہائیڈریٹ اور چینی کی متوازن مقدار ہوتی ہے۔ رات بھر بھگوئے ہوئے انجیر کا باقاعدگی سے استعمال صحت کے لیے بہت سے فوائد فراہم کر سکتا ہے۔ انجیر کو بغیر پھگوئے بھی کھایا جاسکتا ہے، حالانکہ پانی میں بھگوکر کھانے سے صحت کے بہتر فوائد حاصل ہوتے ہیں۔ انجیر قبض کے لیے کسی دوا سے کم نہیں ہے۔ یہ نہ صرف ہاضمے کو صحت مند رکھتا ہے بلکہ اس سے صحت کے دیگر فوائد بھی حاصل ہوتے ہیں۔
انجیر کو بھگونے کا صحیح طریقہ:
- خشک انجیر کے 2-4 ٹکڑے لیں
- پانی سے بھرا ہوا ایک چھوٹا سا پیالہ لیں۔ اس میں انجیر کے ٹکڑے ڈال دیں اور اسے رات بھر بھگونے دیں۔
- صبح پانی نکال لیں
- بھیگی ہوئی انجیر کو خالی پیٹ کھائیں۔ آپ ان پر شہد بھی ڈال سکتے ہیں
- بھگوئے ہوئے انجیر کھانے کے حیرت انگیز صحت کے فوائد
انجیر سے تولیدی صحت کو فروغ ملتا ہے
انجیر میں موجود زنک، مینگنیج، میگنیشیم اور آئرن جیسے معدنیات خواتین کی تولیدی صحت کے لیے اچھا ہوتا ہے۔ اس کو کھانے سے آپ کے جسم کو ہارمونل عدم توازن اور رجونورتی کے بعد کے مسائل سے تحفظ ملتا ہے۔ انجیر پی ایم ایس کے مسئلے کو کم کرنے میں بھی مددگار ثابت ہوتا ہے۔
بھیگی ہوئی انجیر قبض کو روکتی ہے
صبح نہار منہ بھیگے ہوئے انجیر کھانے سے قبض سے نجات ملتی ہے۔ اس کی وجہ یہ ہے کہ انجیر میں گھلنشیل اور ناقابل حل دونوں فائبر ہوتے ہیں، جو آنتوں کی حرکت کو بہتر بنانے میں مدد کرتے ہیں۔ اس سے آپ کا نظام ہاضمہ بھی صحت مند رہتا ہے۔ عام طور پر صحت مند غذا کھائیں، جو متوازن اور غذائیت سے بھرپور ہو، پھلوں اور سبزیوں سے بھرپور ہو۔
انجیر ہڈیوں کو صحت مند رکھتا ہے
انجیر میں کیلشیم بھی بھرپور ہوتا ہے جو کہ صحت مند ہڈیوں کے لیے ضروری ہے۔ ہمارا جسم خود کیلشیم نہیں بناتا، اس لیے ایسی غذاؤں کا استعمال ضروری ہے جو جسم کو کیلشیم فراہم کریں۔ انجیر کے علاوہ، کیلشیم کے دوسرے اچھے ذرائع میں سویا، دودھ اور سبز پتوں والی سبزیاں شامل ہیں۔
انجیر وزن کم کرنے میں مددگار ہے
انجیر میں کیلوریز کم ہوتی ہیں اور فائبر زیادہ ہوتا ہے، جس کی وجہ سے وہ آپ کی خوراک میں شامل کرنے کے لیے ایک بہترین غذا ہے، خاص طور پر اگر آپ وزن کم کرنے کی کوشش کر رہے ہیں تو صبح میں بھگوئے ہوئے انجیر کھانے کے ساتھ ساتھ آپ انہیں درمیانی ناشتے کے طور پر بھی کھا سکتے ہیں۔ چاکلیٹ یا آئس کریم کھانے کے بجائے انجیر کھانا بہتر ہوگا۔
مزید پڑھیں:
انجیر بلڈ شوگر لیول کو کنٹرول میں رکھتا ہے
انجیر میں کلوروجینک ایسڈ اور پوٹیشیم ہوتا ہے جو آپ کے بلڈ شوگر لیول کو کنٹرول کرنے میں مدد کرتا ہے۔ یہ ان لوگوں کے لیے بہترین ہے جو ذیابیطس میں مبتلا ہیں یا اپنے بلڈ شوگر لیول کو کنٹرول میں رکھنا چاہتے ہیں۔
