نئی دہلی: خواتین کے عالمی دن کے موقع پر جب پوری دنیا خواتین کے حوالے سے بیدار ہے اور اس کی صحت، نشوونما کے بارے میں گفتگو کررہی ہے تو اس وقت بھی ملک میں 57 فیصد خواتین اینیمیا جیسی بیماری کے شکار ہیں۔ اس حوالے سے وزارت برائے خواتین اور اطفال نے بتایا کہ ملک میں 57 فیصد خواتین اینیمیا جیسے مسائل سے دوچار ہیں۔ جن کی عمر 15 سے 49 سال کے درمیان ہے، اس بات کی تصدیق حال ہی میں کئے گئے نیشنل فیملی ہیلتھ سروے میں سامنے آئی ہے۔
وزارت برائے خواتین اور اطفال کے مطابق پردھان منتری ماترو وندنا یوجنا (PMMVY) کے تحت 9420.58 کروڑ روپے 2.17 کروڑ سے زیادہ استفادہ کنندگان میں تقسیم کیا جارہا ہے۔ پی ایم ایم وی وائی کے تحت اہل استفادہ کنندگان کو ₹ 5,000 روپے اس اسکیم کے آغاز سے ہی دیا جارہا ہے، جس میں COVID-19 وبائی مرض کی مدت بھی شامل ہے۔ استفادہ کنندگان اپنے آدھار نمبر سے منسلک بینک اور پوسٹ آفس اکاؤنٹس میں براہ راست تین قسطوں میں نقد اس رقم کو حاصل کرتے ہیں۔
