جنگی پور سے ذاکر حسین کی 92 ہزار 613 ووٹوں سے کامیابی

مرشدآباد کے جنگی پور سے ترنمول کانگریس کے امیدوار ذاکر حسین نے اپنے کٹر حریف کو تقریباً ساڑھے 92 ہزار ووٹوں سے شکست دے کر جیت درج کی.

مغربی بنگال کے تین اسمبلی حلقوں میں ہونے والے ضمنی انتخابات میں حکمراں جماعت ترنمول کانگریس نے اپوزیشن جماعتوں کو کلین سوئپ کردیا ہے.

جنگی پور سے ذاکر حسین کی 92 ہزار 613 ووٹوں سے کامیابی

ترنمول کانگریس کے امیدوار ذاکر حسین کی یہ اب تک کی سب سے بڑی جیت ہے. جیت کے معاملے میں انہوں نے پارٹی کی سربراہ ممتا بنرجی کو بھی پیچھے چھوڑ دیا ہے.

واضح رہے کہ تین اسمبلی حلقوں کولکاتا کے بھوانی پور سے ترنمول کانگریس کی امیدوار وزیراعلیٰ ممتا بنرجی ہیں. اس کے علاوہ مرشدآباد کی دو سیٹیں جنگی پور اور شمشیرگنج میں ضمنی الیکشن ہوئے ہیں. جہاں سے تینوں سیٹوں پر ترنمول کانگریس کے امیدواروں نے جیت درج کی۔

بھوانی پور اسمبلی حلقے میں ترنمول کانگریس کی سربراہ اور وزیراعلیٰ ممتا بنرجی کے امیدوار ہونے کی وجہ سے یہ حلقہ قومی سطح پر توجہ کا مرکز بنا ہوا تھا کیونکہ گزشتہ اسمبلی انتخابات 2021 میں نندی گرام سے الیکشن لڑنے والی ممتابنرجی کو شکست کا سامنا کرنا پڑا تھا.