کولکاتا:بھارت کے اسٹار مڈ فیلڈر سہل عبدالصمد نے جمعہ کو موہن بگان کلب کے ساتھ پانچ سالہ معاہدہ کیا۔رواں سیزن میں عبدالصمد بھارت کے سب سے مشہور فٹبال کلب کی جرسی زیب تن کرکے میدان میں اتریں گے۔ عبدالصمد 2017 سے کیرالہ بلاسٹرز کے ساتھ جڑے تھے، وہیں انڈین سپر لیگ کے کپتان اور ڈفینڈرپریتم کوٹل کیرالہ بلاسٹرز کے لیے کھیلیں گے۔عبدالصمد کا گزشتہ سیزن شاندار رہا تھا۔انہوں نے آئی ایس ایل میں اپنی شاندار کارکردگی کی بدولت میدان میں اپنیصلاحیت کا لوہا منوانے میں کامیاب ہوئے تھے۔
کیرالہ بلاسٹرز نے ٹویٹ کیاکہ کلب ایک کھلاڑی کے بدلے سہل عبدالصمد کی منتقلی پر اورایک نامعلوم ٹرانسفر فیس کے لئے معاہدہ کیا ہے۔ بھاری دل کے ساتھ کلب سہل کو الوداع کہتا ہے اور ہم ان کے لئے آگے کے سفرکے لئے نیک خواہشات کا اظہار کرتے ہیں۔
یہ بھی پڑھیں:Mohammadan Sporting کلکتہ فٹبال لیگ میں محمڈن اسپورٹنگ کا فاتحانہ آغاز
دوسری طرف موہن بگان کلب انتظامیہ نے صمد کو ٹیم میں شامل کرنے پر خوشی کا اظہار کیا ہے۔نوجوان کھلاڑی سے معاہدہ ہونے کے بعد ہماری ٹیم میں مضبوطی آئے گی۔عبدالصمد نے جس طرح سے گزشتہ سیزن میں شاندار کارکردگی کامظاہرہ کیا ہے ٹھیک اسی طرح رواں سیزن میں اپنے نئے کلب کی جانب سے کھیلیں گے اور ٹیم کی جیت میں اہم رول ادا کریں گے۔
