مغربی بنگال کی وزیراعلیٰ ممتا بنرجی نے نامہ نگاروں سے خطاب کرتے ہوئے چیف سکریٹری الاپن بنرجی کے ٹرانسفر اور کورونا وائرس کو لے کر ریاست کی موجودہ صورتحال پر تبادلہ خیال کیا۔
نامہ نگاروں سے خطاب کرتے ہوئے وزیراعلیٰ ممتا بنرجی نے کہا کہ عوام کی خدمت انجام دینے کے لئے سیاست کرتی ہوں اور مستقبل میں بھی کرتی رہوں گی۔
انہوں نے کہا کہ ہماری سیاسی جماعت ترنمول کانگریس اور ہماری حکومت ماں ماٹی مانش کی حکومت ہے۔ اس لئے ہم عوام کی خدمت کو پہلی ترجیح دیتے ہیں۔
وزیراعلیٰ ممتا بنرجی نے کہا کہ وہ ریاست کے غریب عوام کی حمایت میں ہمیشہ آواز بلند کرتی رہیں گی تاکہ احساس ہو کہ ان کے حق میں بات کرنے والا کوئی ہے۔
ممتا بنرجی کا کہنا ہے کہ میری نظروں میں عام و خاص سب برابر ہیں۔ کسی کے ساتھ امتیازی سلوک نہیں کرتے ہیں۔ اسی وجہ سے ہماری ریاست کی عوام دوسری ریاستوں کے مقابلے زیادہ خوشحال ہیں۔
انہوں نے کہا کہ جہاں تک چیف سکریٹری الاپن بنرجی کے تبادلے کا سوال ہے، تو ہمارے ہاتھ میں کچھ بھی نہیں ہے۔ گزشتہ 28 مئی کو چیف سکریٹری کے دہلی ٹرانسفر کا نوٹس آیا۔ ریاستی حکومت نے اس کے جواب میں دہلی کو جواب بھیجا۔ وہاں سے مایوس کن جواب ملے۔
