اردوادب کے کئی اصناف ایسے ہیں جن کی مقبولیت میں دن بہ دن تنزلی آرہی ہے اور اردو ادب کو کئی درپیش مسائل کا سامنا ہے۔
ناول اور افسانے جیسے اصناف سے لوگوں کی دلچسپی کم ہوتی جا رہی ہے، ایسے میں مغربی بنگال اردو اکادمی نے گزشتہ دو برسوں سے شام افسانہ کا انعقاد کرکے ایک اچھی کوشش شروع کی ہے۔
معروف افسانہ نگار ف س اعجاز نے شام افسانہ کی صدارت کرتے ہوئے کہا کہ موجودہ دور میں اردو ادب کے کئی اصناف سے لوگوں میں عدم دلچسپی کے سبب ان اصناف کے وجود کو خطرہ لاحق اس طرح کے محفلوں کا انعقاد ضروری ہے۔
اردو ادب کے ان اصناف کو معدوم ہونے سے بچایا جا سکے اردو اکادمی کے اس پہل کی بھی انہوں نے تعریف کرتے ہوئے اکادمی کا شکریہ ادا کیا اور نئے ادیبوں کو افسانے لکھنے کا مشورہ دیا۔
انہوں نے کہاکہ اکادمی اس طرح سے افسانہ نگاروں کو موقع دیکر ان کی حوصلہ افزائی کے ساتھ ہی نئے لکھنے والوں کو بھی تحریک ملتی ہے. اس بار شام افسانہ میں انجم رومان محمد سعید اعظمی ریاض دانش اور عظیم اللہ ہاشمی نے اپنے افسانے پیش کیے۔ سب سے زیادہ عظیم اللہ ہاشمی کا افسانہ مخدوش بستی پسند کیا گیا۔.
