مغربی بنگال کے ہوڑہ ضلع کے چٹرجی ہاٹ علاقے میں بایاں محاذ کی جانب سے حکمراں جماعت ترنمول کانگریس اور بی جے پی کے خلاف احتجاجی جلوس کا اہتمام کیا گیا۔
احتجاجی جلوس کی قیادت کرتے ہوئے بایاں محاذ کے چیئرمین بمان بوس نے کہا کہ سیاسی سیاحوں کی وجہ سے مغربی بنگال کی آمدنی میں اضافہ ہو گیا ہے۔
انہوں نے کہا کہ ہر مہینہ بیرونی ریاستوں سے تعلق رکھنے والے سیاسی رہنما تفریح کے لئے مغربی بنگال آ جاتے ہیں۔
بیرونی ریاستوں سے تعلق رکھنے والے سیاسی رہنما دو چار دنوں کے لئے بنگال میں آتے ہیں اور خوب گھوم پھیر کر چلے جاتے ہیں۔
ان لوگوں کی آمد کے سبب بھیڑ بھاڑ بڑھ جاتی ہے جس کے نتیجے میں غریب دکانداروں کی تھوڑی بہت آمدنی ہو جاتی ہے۔
انہوں نے کہا کہ کسی کے آنے اور جانے سے بنگال کے عوام کی صحت پر کوئی اثر پڑنے والا نہیں ہے۔ مذہب کے نام پر سیاست کرنے والوں کے لئے بنگال میں کوئی جگہ نہیں ہے۔
بایاں محاذ کے چیئرمین بمان بوس نے کہا کہ ترنمول کانگریس اور بی جے پی کے درمیان ایک سمجھوتہ ہے۔ اسی کے تحت سب کچھ کیا جا رہا ہے۔
مزید پڑھیں:
ترنمول کانگریس پر سووندو ادھیکاری کے دفتر میں توڑ پھوڑ کرنے کا الزام
ترنمول کانگریس کا رہنما بی جے پی میں اور بی جے پی کے رہنما ترنمول کانگریس میں شامل ہو رہے ہیں۔ دونوں کے درمیان یہ کھیل اگلے چند مہینوں تک جاری رہے گا۔
