مغربی بنگال میں کورونا وائرس کے پانچ نئے کیسزکے ساتھ مریضوں کی کل تعداد 35 ہوگئی ہے۔ ریاست میں اس وقت کورونا وائرس کے ٹیسٹ کے سات مراکز ہیں جن میں سے پانچ سرکاری ہیں جبکہ دوپرائیوٹ اسپتال ہیں۔
مغربی بنگال محکمہ صحت نے کہا کہ ہم لوگ بنگال میں مزید جانچ مراکز قائم کرنا چاہتے ہیں اور ہمیں آئی سی ایم آر کی منظوری کا انتظار ہے۔انہوں نے کہا کہ بنگال میں اب تک 1040افراد کی جانچ کی گئی ہے۔
مغربی بنگال محکمہ صحت نے بتایا کہ بنگال میں گزشتہ 24گھنٹے میں 11نئے کیس سامنے آئے ہیں جس میں سے 6ایک ہی خاندان کالمپونگ سے ہے۔انہوں نے کہا کہ بنگال میں کورونا وائرس سے تین افراد کی موت ہوئی ہے۔
انہو ں نے کہا کہ جلد ہی چار مریضوں کو ڈسچارج کردیا جائے گا۔مزید پانچ مریض صحت یابی کے قریب ہیں۔انہوں نے کہا کہ کچھ مریضوں کی موت ہوئی ہے۔
مگر یہ موت کورونا وائرس کی وجہ سے نہیں ہوئی بلکہ دوسری بیماری کی وجہ سے موت ہوئی ہے۔انہوں نے کہا کہ ہم نے بنگال میں کورونا وائرس سے نمٹنے کیلئے ماہرین کی ایک کمیٹی تشکیل دی ہے۔
محکمہ صحت نے بتایا کہ بنگال میں کل 516قرنطینہ سنٹر ہے جس میں 2626افراد کو رکھا گیا ہے۔52,800گھر میں آئسولیشن رکھا گیا ہے۔
انہوں نے کہا کہ 13,500 پی پی ای (ذاتی حفاظتی سامان)ہمیں مل گئے ہیں۔1,80,100.این 95ماسک ہم تک پہنچ گئے ہیں گزشتہ 24گھنٹے میں 8ہزار لیڑرسنیٹائزرآئے ہیں۔
کلکتہ میں کورونا وائرس کے چار اسپتال ہیں جب کہ 55اسپتال ریاست کے مختلف اضلاع میں کام کررہے ہیں۔
