ریاستی وزیر رابندرناتھ گھوش کا دل کا آپریشن

ریاستی وزیر برائے ترقیات رابندر ناتھ گھوش کی حالت مستحکم ہے سوموار کے روز ایس ایس کے ایم اسپتال میں ان کے دل کا آپریشن کیا گیا اور ان کے دل میں اسٹنٹ لگایا گیا ہے کچھ ہی دن میں اسپتال سے ان کی چھٹی بھی ہو سکتی ہے ۔

شمالی بنگال کے ترقیاتی وزیر کی حالت اب مستحکم سوموار کے روز ان کے دل میں آپریشن کرکے اسٹنٹ لگایا گیا ہے ۔دل کی تکلیف کی شکایت پر ان کو ایس ایس کے ایم اسپتال لایا گیا تھا فی الحال وہ آئی سی یو میں زیر علاج ہیں وہ ڈاکڑ سراج منڈل کے نگرانی میں ہیں ان کی صحت کے متعلق ڈاکڑ کا کہنا ہے کہ ان کو شدید دل کا دورہ پڑا تھا اب وہ ٹھیک ہیں اور امید ہے چند روز میں ان کو اسپتال سے رخصت کر دیا جائے گا۔وزیر کی صحت کے سلسلے میں ایس ایس کے ایم کے سپریٹنڈنٹ و وائس پرنسپل رگھوناتھ مشرا نے کہا کہ ان کے دل کا ایم آرٹلری میں بلاک تھا اسٹنٹ لگا کر اس کو وا کر دیا گیا ہے چند روز میں اسپتال سے ان کی چھٹی ہو جائے گی اس کے بعد وہ ایک عام زندگی گزار سکیں گے گزشتہ بیس برسوں سے ان ذیابیطس ہے اس پر نظر رکھنی ہوگی کیونکہ اس کی وجہ سے دوسرے مسائل پیدا ہو سکتے ہیں ذیابیطس کی وجہ سے گردوں میں نقض نظر آئے تھے دونوں امراض پر نظر رکھنے کی ضرورت ہے ۔