مغربی بنگال کی پولیس نے خفیہ اطلاع کی بنیاد پر شمالی 24 پرگنہ کے بشیر ہاٹ تھانہ علاقے میں خصوصی چھاپہ ماری مہم کے دوران چار افراد کو گرفتار کرلیا۔
پولیس کاکہنا ہے کہ گرفتارافراد میں سے دوولوگوں کا تعلق ترکی سے ہے جبکہ دیگر دو افراد بنگلہ دیش سے متعلق رکھتے ہیں۔
پولیس نے مزیدکہاکہ پولیس نے خفیہ اطلاع کی بنیاد پربشیر ہاٹ تھانہ علاقے میں چھاپہ ماری مہم کے دوران چاروں غیرملکی شہریوں کو گرفتار کیا۔
ذرائع کے مطابق گرفتار افراد کے خلاف اگرتلہ میں اے ٹی ایم کارڈ کے ذریعہ روپے چرانے کا الزام ہے۔ اس کے علاوان پر نعلی اے ٹی ایم کارڈبنانے والے گروہ سے تعلق رکھنے کا الزام ہے۔
پولیس کے مطابق پورے کیس کی تفتیش کی جاری ہے۔ اس کیس میں مزیدلوگوں کی گرفتاری عمل میں آسکتی ہے۔کولکاتاپولیس سے بھی اس کیس کے سلسلے میں رابطہ کیاجارہا ہے۔
گرفتارغیرملکی لوگوں کواگرتلہ لے جانے کے لیے تریپورہ پولیس کی ایک ٹیم بہت جلد کولکاتاپہنچنے والی ہے۔
