کولکاتا: سی بی آئی نکی ٹیم نے مغربی بنگال کے وزیر اور کولکاتا میونسپل کارپوریشن کے مئیر کے گھر پر میونسپلٹی تقرری میں بدعنوانی کے معاملے میں چھاپہ ماری مہم چلائی۔
کولکاتا کے چیتلہ میں واقع فرہاد حکیم کی رہائش گاہ پر تقریباً ساڑھے 9 گھنٹے تک فرہاد کے گھر کی تلاشی لی گئی۔ سی بی آئی نے ریاستی وزیر تقرری معاملے میں پوچھ گچھ کی۔
ریاستی وزیر فرہاد حکیم نے پریس کانفرنس کو خطاب کرتے ہوئے کہاکہ میں چور نہیں ہوں۔ سیاست میں میرا کیرئیر بالکل صاف شفاف ہے ۔سیاسی انتقام کے تحت جو کارروائی کرائی جا رہی ہے ۔اس سے میرے خلاف کچھ بھی ثابت نہیں کیا جا سکتا ہے کیونکہ میں ایک سماجی کارکن ہوں اور عوام کی خدمت کرنے کے لئے اپنے گھر کا پیسہ استعمال کرتاہوں ۔
انہوں نے کہاکہ جانچ ایجنسیوں نے تلاشی کے نام پر میرے خاندان والوں کو پریشان کر رہی ہے۔انہیں میرے گھر آنے سے پہلے میں جہاں رہتا ہوں وہاں کے لوگوں سے پوچھ گچھ کرتی ہے تو انہیں پتہ چل جاتا کہ میرا سیاسی کیرئیر کیا ہے۔
یہ بھی پڑھیں:TMC Slams BJP بی جے پی دفتر میں جاکر مرکزی وزیر سے ملاقات کرنے کی تجویز کو ترنمول نے مسترد کردیا
ان کا کہنا ہے کہ بار بار میرے کیرئیر پر داغ لگانے کی ناکام کوشش کی جا رہی ہے اور یہ سب اس پارٹی کی ہدایت پر کیا جا رہا ہے جس کے کئی رہنما داغ دار ہیں۔
